Gujarati News

વડોદરા: વડોદરા મ્યુનિસિપલ કોર્પોરેશન દ્વારા સ્વચ્છ ભારત મિશન હેઠળ સ્વચ્છ સર્વેક્ષણ 2021 હેઠળ તારીખ 18 સુધી શહેરમાં સફાઇ ઝુંબેશ શરૂ કરવામાં આવી છે. જેમાં મંગળવારે 63 ખુલ્લા ગંદા સ્પોટ નાબૂદ કરાયા બાદ આજ સવારથી હોસ્પિટલોની આસપાસ સફાઈ શરૂ કરવામાં આવી હતી.

વડોદરા મ્યુનિસિપલ કોર્પોરેશનના તમામ 34 અર્બન હેલ્થ સેન્ટરો કોવિડ કેર સેન્ટરો સયાજી અને ગોત્રી હોસ્પિટલ તેમજ ખાનગી હોસ્પિટલોની બહાર સફાઈ કાર્ય કર્યું હતું. અને જંતુનાશક પાઉડરનો દવા છંટકાવ કરવામાં આવ્યો છે. તારીખ 18 સુધી તબક્કાવાર વિસ્તારોમાં આ રીતે સફાઈ કરવાનું આયોજન કોર્પોરેશન દ્વારા હાથ ધરવામાં આવ્યું છે.