Gujarati News

Gujarati News

News of Tuesday, 2nd June 2020

એવલીન શર્મા અને સિડની... જોગાનુજોગ

ભારતીય જર્મન મુળની અભિનેત્રી એવલીન શર્મા ડઝનથી વધુ ફિલ્મોમાં કામ કરીને જાણીતી બની છે. તેણે બોલીવૂડમાં 'ફ્રોમ સિડની વિથ લવ'થી અભિનય કારકિર્દીનો ૨૦૧૨માં આરંભ કર્યો હતો. એ પછી નોૈટંકી સાલા, યે જવાની હૈ દિવાની, યારિયાં, સાહો સહિતની ફિલ્મોમાં કામ કર્યુ છે. ૨૦૧૪માં યારિયાં ફિલ્મની સની સની ગર્લ તરીકે તેને નામના મળી હતી. એવલીને કહ્યું હતું કે મારી પહેલી ફિલ્મ ફ્રોમ સિડની વિથ લવ હતી અને મજાની વાત એ છે કે હવે હું સિડનીના જ એક છોકરા સાથે સગાઇ કરી રહી છું. એવલીને સ્વીકાર્યુ હતું કે મને ઓળખ અયાન મુખર્જીની ફિલ્મ યે જવાની હૈ દિવાની થકી મળી હતી. તેણે કહ્યું હતું કે વરૂણ ધવનની મૈં તેરા હીરો તથા ઇમ્તિયાઝ અલીની જબ હેરી મેટ સેજલમાં શાહરૂખ-અનુષ્કા જેવી મલ્ટીસ્ટાર જોડી સાથે કામ કરવાની મને તક મળી એ શાનદાર અનુભવ હતો. એવલીનનું ગીત સની...સની...પણ ખુબ હિટ થયું હતું. તેણે અત્યાર સુધીમાં બોલીવૂડમાં પંદર ફિલ્મો કરી છે. હોટનેસને કારણે તે સતત ચર્ચામાં રહે છે.

(9:33 am IST)
  • કાલે અમદાવાદ - ગાંધીનગર - બરોડા- સુરત - વલસાડ - નવસારી - ડાંગ અને પંચમહાલમાં ભારે વરસાદ પડશેઃ કચ્છમાં શકયતા નથી : વેધરની એક ખાનગી સંસ્થાએ જણાવ્યુ છે કે અરબી સમુદ્રનું ડિપ્રેશન આજે સાંજ સુધીમાં ડિપડિપ્રેશનમાં ફેરવાઈ જશે. જે આવતીકાલ સુધીમાં વાવાઝોડામાં પરિવર્તિત થઈ જશે. મુંબઈ સહિત મહારાષ્ટ્રના અનેક રાજયોમાં ભારે વરસાદ પડશે. તો આવતીકાલે ૩ જૂનના સુરત, વલસાડ, નવસારી, ડાંગ, પંચમહાલ, વડોદરા, અમદાવાદ અને ગાંધીનગરમાં ભારે વરસાદ પડશે. જયારે કચ્છમાં સંભાવના ઓછી છે. તા.૩-૪ જૂનના મધ્યપ્રદેશ અને દેશના પશ્ચિમી ભાગોમાં પણ વરસાદ પડશે. access_time 3:49 pm IST

  • દિલ્હી બોર્ડર સીલ કરવાના નિર્ણય વિરુદ્ધ હાઇકોર્ટમાં જાહેર હિતની અરજી : 4 જૂનના રોજ સુનાવણી access_time 8:00 pm IST

  • સંકટ ટળ્યુ : વાવાઝોડુ ગુજરાતમાં નહિં મહારાષ્ટ્રના અલીબાગમાં ટકરાશે : દક્ષિણ ગુજરાતમાં વરસાદની આગાહી : હવામાન ખાતાએ નિર્દેશ આપતા કહ્યું છે કે કાલે વાવાઝોડુ 'નિસર્ગ' મહારાષ્ટ્રમાં ટકરાશે : દક્ષિણ ગુજરાતના કાંઠે ટકરાશે નહિં : સૌરાષ્ટ્રને કોઈ અસર નહિં થાય : વાવાઝોડુ મહારાષ્ટ્ર અને દમણ વચ્ચે ટકરાશે : દમણથી પસાર થઈ જશે : સુરત અને ભરૂચમાં ૭૦ થી ૮૦ કિ.મી.ની ઝડપે પવન ફૂંકાશે access_time 1:33 pm IST