Gujarati News

Gujarati News

News of Thursday, 9th January 2020

ઓસ્ટ્રેલિયાને મદદ કરવા આઈસીસીએ ક્રિકેટ કોમ્યુનિટીને કરી વિનંતી

આગથી લાખો પ્રાણીઓના મોત નિપજ્યા, ૨ હજાર ઘરો બળીને ખાખ, આઈસીસીનો ટી-૨૦ વર્લ્ડકપ ઓસ્ટ્રેલિયામાં રમાનાર છે

દુબઈ : ઈન્ટરનેશનલ ક્રિકેટ કાઉન્સીલ (આઈસીસી)એ હાલમાં ક્રિકેટ કમ્યુનીટીને આગળ આવી ઓસ્ટ્રેલિયામાં લાગેલી આગના અસરગ્રસ્તોને મદદ કરવા વિનંતી કરી છે. છેલ્લા ઘણા દિવસથી લાગેલીલ આ આગમાં ૨૫ લોકોના તેમ જ લાખો પ્રાણીઓના મોત થયા છે. ૨૦૦૦ જેટલા ઘરો પણ બળીને ખાખ થયા છે.

આઈસીસીએ આપેલા નિવેદનમાં કહ્યુ છે કે વૈશ્વિક ક્રિકેટ પરીવારની મદદથી અમે અમારા ચેરીટી પાર્ટનર યુનિસેફ ઓસ્ટ્રેલિયાના મારફતે ઓસ્ટ્રેલિયામાં જે આગ લાગી છે એમાં મદદ કરવાના પ્રયત્ન કરી રહ્યા છીએ. દાવાનળ પ્રભાવિત વિસ્તારોમાં બાળકોને સહાય કરવા માટે એક ભંડોળ એકઠુ કરવાની અમે યોજના બનાવી છે. આઈસીસી ટી-૨૦ વર્લ્ડકપને ક્રિકેટ ઓસ્ટ્રેલિયા, પાર્ટનર્સ અને સ્ટેકહોલ્ડર્સની મદદથી અમે યોજાવાના છીએ. અમે દરેકને આગળ આવી ભંડોળ એકઠુ કરી સહાય કરવાની વિનંતી કરીએ છીએ.

(4:35 pm IST)
  • ભારતીય ક્રિકેટ ટીમના પૂર્વ કેપ્ટન મહેન્દ્રસિંહ ધોનીની નિવૃત્તિની અટકળો વચ્ચે ટીમ ઇન્ડિયાના હેડ કોચ રવિ શાસ્ત્રીએ આ મુદ્દે સનસનાટીર્યું નિવેદન આપ્યું છે. રવિ શાસ્ત્રીએ એક ન્યુઝ ચેનલ સાથેની વાતચીતમાં સંકેત આપ્યા છે કે ધોની જલ્દી પોતાની વન-ડે કારકિર્દીને અલવિદા કહી શકે છે. જોકે આ પછી પણ તે ટી-20 ક્રિકેટમાં રમવાનું ચાલું રાખશે. ધોની ટેસ્ટ ક્રિકેટમાં પહેલા જ નિવૃત્તિ લઈ ચૂક્યો છે. access_time 10:59 pm IST

  • મોડી રાત્રે રાજકોટમાં દારૂ અંગે જનતા રેડ : પોલીસ દોડી ગઈ : રાજકોટના માઘાપર ચોકડી નજીક બેકબોન રેસીડેન્સી માં દારૂના ઘંધાર્થીના મકાનમાં જનતા રેડ : વિદેશી દારૂનો જળ્યો મળી આવતા ગાંઘીગ્રામ પોલીસને જાણ કરતા પી.આઈ ક્રે એ વાળા સહિતનો કાફલો દોડી ગયો : દારૂ કબજે કરી શરૂ કરી કાર્યવાહીં access_time 1:55 am IST

  • રાજ્ય પોલીસ દ્વારા 11મી જાન્યુઆરીથી સાયબર અશ્વસ્ત અને વિશ્વાસ નામના પ્રોજેકટની શુભારંભ કરવામાં આવી રહ્યો છે. 11મી જાન્યુઆરીએ સવારે 10 વાગ્યે દેશના ગૃહમંત્રી અને રાજ્યના મુખ્યમંત્રીની ઉપસ્થિતિમાં આ પ્રોજેક્ટનો શુભારંભ કરવામાં આવશે. આ પ્રોજેક્ટમાં વિશ્વાસ એટલે કે સીસીટીવીના એવા નેટવર્ક જેના થકી ગુનાહિત પ્રવૃત્તિ પર પોલીસની બાજનજર રહે. અને ઇન્ટીગ્રેટેડ ટ્રાફિક મેનેજમેન્ટ સીસ્ટમ એમ બંન્ને રીતે કામ કરશે. સાયબર ક્રાઇમને નાથવા, કંટ્રોલ કરવા માટે તેમજ નાગરિકાના જીવનને વધુ સુરક્ષિત કરવાના હેતુથી સાયબર અશ્વસ્ત નામનો પ્રોજેક્ટ શરૂ કરવામાં આવશે. access_time 10:53 pm IST