Gujarati News

ભારતીય ટીમ એક તરફ વેલીંગ્ટનમાં પોતાની પાંચમી વન-ડેની તૈયારી કરી રહી છે તો બીજી તરફ કોચ રવિ શાસ્ત્રી અહિંના મેદાનને જોઈને ભૂતકાળની યાદોમાં સરી પડ્યો છે. ન્યુઝીલેન્ડના આ જ મેદાનમાં ૧૯૮૧ની ૨૧ ફેબ્રુઆરીએ ૩૮ વર્ષ પહેલા તેણે ભારત તરફથી ટેસ્ટમાં પદાર્પણ કર્યુ હતું. ત્યાર બાદ તે ભારત તરફથી કુલ ૭૯ ટેસ્ટ રમ્યો હતો. એટલુ જ નહિં હાલમાં ભારતીય ટીમના કોચની ભૂમિકા ભજવનારા શાસ્ત્રીએ ભારત તરફથી ઓલરાઉન્ડર તરીકે કુલ ૧૫૦ વન-ડે પણ રમી છે. શાસ્ત્રીએ સોશ્યલ મીડિયામાં એક વિડીયો શેર કરીને કહ્યું હતું કે ૩૮ વર્ષ આ જ મેદાનમાં ૧૯૮૧માં હું ભારત તરફથી પહેલી મેચ રમ્યો હતો. કયારેય વિચાર્યુ નહોતુ કે જયાંથી મારી કરીઅરની શરૂઆત થઈ હતી ત્યાં આ રીતે પાછો આવીશ.