Gujarati News

Gujarati News

News of Saturday, 12th May 2018

ધ્રોલના વાંકિયા ગામના ૩૦ ખેડૂતોએ ૧૦૦૦ ફુટ માટી તળાવ માંથી સ્વખર્ચે કાઢી

ધ્રોલના વાંકિયા ગામે ખેડૂતોએ સ્વખર્ચે તળાવમાંથી માટી કાઢી તળાવ ઉંડું ઉતારેલ તેનું નિરીક્ષણ કરતા અધિકારીઓ નજરે પડે છે.

જામનગર, તા.૧૨: જામનગર જિલ્લાના ધ્રોલ તાલુકાના ૨૫૦૦ ની વસ્તી ધરાવતા નાનકડા એવા વાંકિયા ગામના તળાવમાંથી ગામના જ ૩૦ જેટલા ખેડુતોએ તળાવમાંથી માટી સ્વખર્ચે ૧૦૦૦ ફુટ જેટલી કાઢી તળાવની જલસંગ્રહ શકિતમાં વધારો કર્યો છે.

ધ્રોલ તાલુકાના સિંચાઇના અધિકારી અને સુજલામ સુફલામ જળસંચય અભિયાનના નોડલ અધિકારીશ્રી પી.એમ. ભોજાણીના જણાવ્યા અનુસાર ખેડુતોના સ્વૈચ્છિક જળસંગ્રહ અભિયાનના પરિણામે પહેલા જે તળાવ ૫ ઇંચ વરસાદથી પણ છલકાઇ જતુ હતુ તે હવે ૧૦ ઇંચ વરસાદે પણ છલકાતુ નથી. તળાવની જળસંગ્રહ શકિત વધી છે.

ગામના અગ્રણી છગનભાઇ ભિમાણી કહે છે કે, અમારા ગામના જાગૃત ખેડુત જયેશભાઇ ગણેશભાઇ અને સુનિલભાઇ દયાળજી સહિતના ૩૦ જેટલા ખેડુતોએ જળસંગ્રહ માટે ભગીરથી કામ આ ગામ માટે કર્યુ છે. આ ઉપરાંત ખેડુતો દ્વારા સ્વેચ્છાએ જ તળાવની માટીથી જ તળાવનું સમારકામ કરી તળાવનું મજબુતીકરણનું કામ થઇ રહ્યુ છે.        

વાંકિયા ગામ સિંચાઇ ખાતાના નિવૃત અધિકારીશ્રી કે.જે.ચાવડા પણ જળસંગ્રહ અભિયાનનું માર્ગદર્શન ખેડુતોને આપે છે. તેઓ કહે છે કે, વાંકિયમાં આ અભિયાનથી જમીનની ફળદ્રુપતા વધશે. ભુગર્ભ જળ ઉંચા આવશે. ખેતઉત્પાદન વધતા ખેડુતોનું આર્થિકસ્તર ઉંચુ આવશે.

આ ગામના સુંદર જળસંગ્રહના કાર્યની મુલાકાત એડિશનલ ચીફ સેક્રેટરી સંગીતા સિંગે પણ લીધી હતી.

(11:51 am IST)
  • લાલ કિલ્લા ની જેમ હવે મોઢેરાના સૂર્યમંદિરને ખાનગી કંપનીઓ ને સોંપવામાં આવશે : પ્રવાસન મંત્રાલયે મહત્વ નો નિર્ણય કર્યો છે કે લાલ કિલ્લા ની જેમ હવે ગુજરાત નો ઐતિહાસિક વારસો પણ ખાનગી કંપનીઓ ને જાળવવા માટે આપવામાં આવશે. access_time 8:09 pm IST

  • બેંગાલુરૂ : કર્ણાટક વિધાનસભા માટે ૭ વાગ્યાથી મતદાન શરૂ થયું છે ત્યારે મતદાન હવે ઝડપ પકડી રહેલ છે : દરમિયાન કેટલેક સ્થળે ઇવીએમ મશીનો બગડયાના, વિજ પુરવઠો ખોરવાયાના હેવાલો મળે છે access_time 11:31 am IST

  • કોંગ્રેસ અધ્યક્ષ રાહુલ ગાંધી દિલ્હી સ્થિત કોંગ્રેસ મુખ્યાલય પહોંચ્યા :પાર્ટીના પ્રભારી કે.સી. વેણુગોપાલ પાસેથી કર્ણાટક ચૂંટણીના દરેક અપડેટ્સ મેળવ્યા :રાહુલ ગાંધીએ પાર્ટી મુખ્યાલયમાં અલગ અલગ રાજ્યોના નેતાઓ અને કાર્યકર્તાઓની સાથે પણ મુલાકાત કરી access_time 1:55 pm IST