Gujarati News

રાજકોટ તા.૪: રાજકોટ સહિત સૌરાષ્ટ્ર-કચ્છમાં થોડા દિવસો સુધી કડકડતી ઠંડીનો માહોલ બરાબરનો જામ્યા બાદ હવે ઠંડીમાં રાહતનો અનુભવ થઇ રહયો છે અને લઘુતમ તાપમાનનો પારો ઊંચે ચડી જતા આજે સવારથી ઠંડી ગાયબ થઇ ગઇ છે.

થોડા દિવસો સુધી લઘુતમ તાપમાનનો પારો ૧૦ ડિગ્રીની અંદર પહોંચી ગયો હતો અને મોડી રાત્રીના અને વ્હેલી સવારના સમયે કડકડતી ઠંડીનો માહોલ બરાબરનો જામ્યો હતો. જો કે હવે ઠંડીમાં ઘટાડો થતાં લોકોએ રાહતનો શ્વાસ લીધો હતો.

જૂનાગઢમાં ઘુમ્મસ

જુનાગઢઃ જૂનાગઢમાં ઘુમ્મસ વચ્ચે ઠંડીમાં ધરખમ ઘટાડો થયો હતો.  જૂનાગઢ ખાતે સવારનું લઘુતમ તાપમાન ૧૪.૭ ડિગ્રી નોંધાતા ઠંડી નહિવત થઇ ગઇ હતી. ગિરનાર પર્વત ઉપર ૯૭ ડિગ્રી તાપમાન રહ્યું હતું.

સવારે વાતાવરણમાં ભેજનું પ્રમાણ ૬૫ ટકા અને પવનની પ્રતિ કલાકની ઝડપ ૪.૪ કિ.મી.ની રહી હતી.

આગામી દિવસોમાં ગુલાબી ઠંડી રહેવાની શકયતા હવામાન વિભાગે દર્શાવી છે.

જામનગર

જામનગરઃ શહેરનું હવામાન : મહતમઃ ૨૫, લઘુતમઃ ૧૪, ભેજઃ ૫૧ ટકા, પવનની ઝડપ : ૮.૬ કિ.મી. પ્રતિ કલાક રહી હતી.