Gujarati News

Gujarati News

News of Saturday, 12th May 2018

વડાપ્રધાનને ખુલ્લો પત્રઃ રાજકોટને 'એઈમ્સ' નહીં મળે તો સોમનાથથી દિલ્હી કૂચ

પ્રતિશ્રી,

શ્રી નરેન્દ્રભાઈ મોદી

(વડાપ્રધાનશ્રી દિલ્હી)

જય ભારત સાથ જણાવવાનું કે ગુજરાત અંગે કેન્દ્ર સરકારની જાહેરાત મુજબ રાજકોટ અને વડોદરામા અત્યાધુનિક સુવિધા ધરાવતી એઈમ્સ હોસ્પીટલ શરૂ કરવા જાહેરાત કરાયેલ છે, ત્યારે ગુજરાત અને સૌરાષ્ટ્રની જનતા 'એઈમ્સ'ની કાગડોળે રાહ જોઈને બેઠી છે. ગુજરાતના પૂર્વ મુખ્યમંત્રી તરીકે અને ગુજરાતી તરીકે આપ ગુજરાત અને સૌરાષ્ટ્રના વિસ્તારોને નિકટથી જાણો છો ત્યારે સૌરાષ્ટ્રનું હૃદય ગણાતા રાજકોટને એઈમ્સ હોસ્પીટલ મળે તે માટે વડાપ્રધાનની રૂએ ભલામણ કરવા નમ્ર વિનંતી.. કેમ કે જો રાજકોટને 'એઈમ્સ'ની સુવિધા મળશે તો સૌરાષ્ટ્રના લાખો દર્દીઓ માટે આ આશિર્વાદ સમાન સુવિધા હશે. સૌરાષ્ટ્રના રાજવી ક્રિષ્ણકુમારસિંહજીએ દેશને એક કરવા પોતાના ૧૮૦૦ પાદર આપી દીધા હતા. આવી સૌરાષ્ટ્રની પવિત્ર ધરતી ઉપર એઈમ્સ હોસ્પીટલ બને તે જરૂરી છે અને જો સૌરાષ્ટ્રને 'એઈમ્સ હોસ્પીટલ' વહેલી તકે નહીં મળે તો શ્રી સોમનાથ દાદાના સાનિધ્યમાંથી દિલ્હી સુધીની યાત્રા કરી સૌરાષ્ટ્રના લાખો લોકો દિલ્હી આવીને રજુઆત કરશે.(૨-૧૩)

લી. સિદ્ધરાજસિંહ એસ. જાડેજા

(રાજકોટ મો. ૯૭૨૪૫ ૭૯૩૦૩)

(3:39 pm IST)
  • કોંગ્રેસ અધ્યક્ષ રાહુલ ગાંધી દિલ્હી સ્થિત કોંગ્રેસ મુખ્યાલય પહોંચ્યા :પાર્ટીના પ્રભારી કે.સી. વેણુગોપાલ પાસેથી કર્ણાટક ચૂંટણીના દરેક અપડેટ્સ મેળવ્યા :રાહુલ ગાંધીએ પાર્ટી મુખ્યાલયમાં અલગ અલગ રાજ્યોના નેતાઓ અને કાર્યકર્તાઓની સાથે પણ મુલાકાત કરી access_time 1:55 pm IST

  • ભુજ : હંગામી આવાસમાં સગીરા પર બળાત્કાર ગુજારવાના કેસમાં 10 વર્ષની સજા : સગીરા પર વધતા બળાત્કારના કિસ્સામાં સબક રૂપ ભુજ કોર્ટે 3 દિવસમાં બીજો ધાક બેસાડતો ચુકાદો : ભુજ કોર્ટે બળાત્કાર ગુજારનાર રાજકોટના મહેશ ઉર્ફે પેંડો રમેશ નિમાવતને 10 વર્ષની સખત કેદની સજા ફટકારી access_time 8:20 pm IST

  • ઈરાન સાથે પરમાણુ સંધિ ચાલુ રાખવા બ્રિટન પોતાના યુરોપિયન ભાગીદારો સાથે પ્રતિબદ્ધ :બ્રિટિશ વડાપ્રધાન થેરેસા મેં એ ડોનાલ્ડ ટ્રમ્પ સાથે કરી ફોનમાં વાતચીત :ડાઉન સ્ટ્રીટના પ્રવક્તાનો હવાલો ટાંકીને શિન્હુઆ ન્યુઝ એજન્સીએ જણાવ્યું હતું કે ફોનમાં વાતચીત દરમિયાન મેં એ કહ્યું કે તેઓ ઈરાન પરમાણુ સમજૂતી ને સુનિશ્ચિત કરવા પ્રતિબદ્ધ છે આ દરમિયાન તેણીએ અમેરિકા દ્વારા ઈરાન પર લગાવેલ પ્રતિબંધનો પણ ઉલ્લેખ કર્યો હતો access_time 2:33 pm IST