Gujarati News

રાજકોટ તા.૩૦: વડાપ્રધાન શ્રી નરેન્દ્રભાઇ મોદીએ  રર માર્ચને રવિવારે પ્રજાજોગ સંબોધનમાં કોરોનાની ભયંકર સ્થિતિનો ચિતાર આપીને ફરી ર૩ માર્ચથી ર૧ દિવસનું સંપૂર્ણ લોકડાઉન જાહેર કરી દેશની જનતાને હાથ જોડીને સમર્થન માંગ્યુ હતું.

દેશમાં ર૩ માર્ચથી લોકડાઉન જાહેર થયા બાદ આજે ૩૦ માર્ચ ૭ દિવસ સુધી  સમગ્ર દેશમાં જીવન જરૂરીયાતની વસ્તુંઓ નિયમીત મળી રહી છે, કયાંય કોઇ વસ્તુંની અછત પણ નથી સર્જાય, પરંતુ લોકોએ લોકડાઉનને સંપૂર્ણ કરફયુ ગણીને જયારે પણ બહાર નીકળયા ત્યારે જીવન જરૂરીયાતની વસ્તુંઓ જેવી કે ઘઉં, બાજરો, જુવાર તમામ પ્રકારના કઠોળ, કપડા ધોવા-નહાવાના સાબુ, તમામ પ્રકારના લીકવીડ, બાળકોના નાસ્તા માટે ફરસાણ, નમકીન, બિસ્કીટ જેવી તમામ રોજીંદી ખાદ્ય સામગ્રીના ૧૦ દિવસથી લઇને એક મહિનાનો સ્ટોક કરી લીધો છે. અને છેલ્લા સાત દિવસથી દેશભરમાં જિલ્લા તાલુકા મથકે સવારથી મોડી સાંજ (રાત્રે ૮ થી ૯) સુધી લોકોએ દરરોજ સતત ખરીદી કરેલ છે. લોકોએ જીવન જરૂરીયાતની ચીજ વસ્તુંનો સ્ટોક જરૂરીયાત કરતા વધુ કરેલ છે. (આ વિધાન ખુદ અનાજ કરીયાણું વહેચતા દુકાનદારોએજ કરેલ છે)

આવી જ રીતે લોકોએ ઘરના સભ્યો માટે રેગ્યુલર લેવાતી દવાઓની ખરીદી પણ સરેરાશ દોઢથી બે મહિના સુધીનો સ્ટોક કરેલ છે. (તેમ ખુદ મેડીકલ સંચાલકોએ જણાવી) વધુ એવી પણ વ્યથા વ્યકત કરેલ કે હવે દુકાનના સ્ટાફને પણ આરામ આપવો જરૂરી છે. લોકોને જરૂરીજ દવા ખરીદવા અપીલ કરી છે.

ર૩ માર્ચે લોકડાઉન જાહેર થવા છતાં ૭ દિવસ સુધી લોકોને ખરીદીમાં ઘણી છુટ મળી છે તમામ વસ્તુંઓ સ્ટોક થઇ ગયેલ છે ત્યારે જાગ્યા ત્યાંથી સવાર સમજીને હવે લોકડાઉનની કડક અમલવારી ખુદ લોકોએ કરવી જોઇએ અથવા સરકારે દેશભરમાં આવશ્યક ચીજ વસ્તુંની ખરીદી માટે સમય સીમા (સવારે ૯ થી ૧ર અથવા ૯ થી ર સુધી ખરીદી માટે દરરોજ પાંચ કલાકનો સમય ઘણો કહેવાય)

આ સમયસીમાં લોકોએ સ્વયંમ બજાવી બપોર પછી કોઇ પણ ખરીદી કરવા બહાર ન નીકળવા સંકલ્પ કરવો જોઇએ અથવા સરકારે પણ આ સમયસીમાં લાદવી જોઇએ. જો સરકાર બપોરે બે સુધીની સમયસીમા નકકી કરે તો બપોરે બે પછી તો સમગ્ર દેશમાં ૧૦૦ટકા લોકડાઉન સફળ થશે. તે દેશવાસીઓના હિતમાંજ રહેશે.