Gujarati News

નવી દિલ્હી તા. ૧૦ : ભારતીય ફાસ્ટ બોલર મોહમ્મદ શમીની પત્ની હસીન જહાં હંમેશાં સ્પષ્ટ અને સ્પષ્ટતાવાળા નિવેદનોને કારણે હેડલાઇન્સમાં રહે છે. જો કે, આ અંગે તેમને ઘણી ટીકાઓનો સામનો પણ કરવો પડે છે. બસ આમ જ ૫ ઓગસ્ટે કેટલાક સોશ્યલ મીડિયા પર હસીન જહાને રામ મંદિર શીલાન્યાસ મામલે અભિનંદન પાઠવતા, કેટલાક લોકો દેવારા તેને બળાત્કાર કરી હત્યા કરવાની ધમકી આપવામાં આવી રહી છે. સોશ્યલ મીડિયા પર હસીન જહાં સાથે દુર્વ્યવહાર પણ કરવામાં આવ્યો છે. હસીને વડા પ્રધાન નરેન્દ્ર મોદી, ગૃહ પ્રધાન અમિત શાહ, બંગાળના મુખ્ય પ્રધાન મમતા બેનર્જી અને યુપીના મુખ્ય પ્રધાન યોગી આદિત્યનાથને આ મામલાની નોંધ લેવા વિનંતી કરી છે.

હસીને સોશિયલ મીડિયા પર લખ્યું છે કે ૫ ઓગસ્ટે જયારે અયોધ્યામાં શ્રી રામ મંદિરની ભૂમિની પૂજા કરવામાં આવી હતી, ત્યારે મેં દેશના સમગ્ર હિન્દુ સમાજને અભિનંદન પાઠવ્યા, કારણ કે હિન્દુ સમાજ પણ મુસ્લિમ સમાજના તહેવારો પર અમને અભિનંદન આપે છે. પરંતુ કેટલાક લોકો આ ઉત્ત્।ેજનામાંથી પસાર થયા હતા અને તેમણે સોશિયલ મીડિયા પર મને ધમકી આપી હતી કે તેઓ મરી સાથે દુર્વ્યવહાર કરી મને મોતને ઘાટ ઉતારી દેશે.

આ મામલામાં હસીને લખ્યું છે કે દેશના વડા પ્રધાન નરેન્દ્ર મોદી જી, ગૃહ પ્રધાન અમિત શાહ જી, બંગાળના મુખ્યમંત્રી મમતા બેનર્જી જી અને ઉત્તર પ્રદેશના મુખ્યમંત્રી યોગી આદિત્યનાથ જીને વિનંતી છે કે તેઓ વહીવટ તંત્રને આ બાબતનું ધ્યાન રાખવા આદેશ આપે. આપણે સર્વ ધર્મો પાળવાવાળા દેશના રહેવાસી છીએ, જયાં આવી વસ્તુ ખૂબ જ દુર્ભાગ્યપૂર્ણ છે અને તેનાથી મને ખૂબ દુઃખ થાય છે. હસીને કહ્યું છે કે તે કોલકાતાના પોલીસ મથક લાલ બજારમાં પણ આ અંગે ફરિયાદ કરશે.

૨૦૧૮ માં, જયારે હસીન મોહમ્મદ શમી પર ફિકિસંગ કરવાનો આરોપ લગ્યો હતો ત્યારે ચર્ચામાં આવી હતી. બીસીસીઆઈએ હસીન જહાંની પણ તપાસ કરવી પડી હતી. જોકે, તેને કિલનચીટ આપવામાં આવી હતી. આ સિવાય હસીન જહાંએ શમીના ભાઈ પર પણ બળાત્કારનો ગંભીર આરોપ લગાવ્યો હતો. એટલું જ નહીં, તેણે શમી પર ઘણી મહિલાઓ સાથે સંબંધ હોવાનો આરોપ પણ લગાવ્યો હતો. જોકે, તપાસમાં કંઇ સાબિત થઈ શકયું નથી.