Gujarati News

(ભરત શાહ દ્વારા) - રાજપીપળા : નર્મદા જીલ્લાના કેવડીયા ખાતે વાગડીયા પાસે કાર્યરત એલ એન્ડ ટી કંપનીના શ્રમિક ને કોવીડ-૧૯ નો પોઝીટીવ કેસ આવ્યો છે, તા.૩૦મે ના રોજ સેમ્પલ લેવામા આવ્યો હતો જેનો રિપોર્ટ પોઝીટીવ આવ્યો છે, આ શ્રમિક સરજુ સુરેશ વિશ્વકર્મા છે તે તા.૨૭ મેના રોજ સુરતથી કેવડીયા ની ટ્રાવેલ હિસ્ટ્રી ધરાવે છે.
  કોવીડ-૧૯ના નર્મદા જીલ્લામા હાલ કુલ ૦૪ કેસો એક્ટીવ થવા સાથે કુલ 19 ઉપર આંકડો સ્થિર થયો છે, રાજપીપળાના કોવીડ-૧૯ આઈસોલેશન હોસ્પીટલમા દર્દીઓની સારવાર ચાલી રહી છે.
કેવડીયા નજીક ના વિવાદાસ્પદ છ ગામો માથી આરોગ્ય વિભાગે 300 થી વધુ સેમ્પલો લેતાં શોષિયલ મિડીયામા આ વાતને લઈ ને દેકારો મચી ગયો હતો કે સરકારના ઈશારે આ ગામોમા કોરોના પોઝીટીવ દર્દીઓ બતાવી આખાં એરીયા ને કંટેન્મેન્ટ ઝોન જાહેર કરવો જેથી લોકો સજ્જડ રીતે પોતાના ઘરો ની અંદર પુરાઈ રહે અને આ પરિસ્થિતિ નો લાભ ઉઠાવી કાંટાળી વાડ નુ કામ નિર્વિઘ્ને પાર પાડી લે, આરોગ્ય વિભાગ ની કામગીરી એ વખતે શંકા ના ઘેરા મા આવી ગઈ હતી.