Gujarati News

અમદાવાદઃ જમાલપુર-ખાડિયાના પૂર્વ ધારાસભ્ય ભૂષણ ભટ્ટે સાશેયિલ મીડિયા પર પોતાની છબી ખરાબ કરનાર અને વોટ્સએપ પર ખોટો મેસેજ ફરતો કરનાર અજાણ્યા શખ્સ સામે એફઆઈઆર નોંધાવવા માટે અરજી દાખલ કરી છે. મેસેજમાં આરોપ લગાવવામાં આવ્યો છે કે, ભટ્ટે પીધેલી હાલતમાં એસવીપી હોસ્પિટલની મુલાકાત લીધી હતી અને તેમને થપ્પડ મારનાર મહિલા ડોક્ટર સાથે ખરાબ વર્તન કર્યું હતું. ઘટના ક્યારે અને કેટલા વાગ્યે બની તે વિશેનો ઉલ્લેખ મેસેજમાં કરાયો નથી.

૨૦૧૭ની ચૂંટણીમાં કોંગ્રેસ ઉમેદવાર ઈમરાન ખેડાવાલા સામે હાર મેળવનાર ભટ્ટે દાવો કર્યાે કે, રાજકીય દુશ્મનાવટને લઈને આ મેસેજ ફરતો કરવામાં આવ્યો છે. હું એસવીપી હોસ્પિટલ ગયો નહોતો અને આવી કોઈ ઘટના નથી બની. ટીવી ડિબેટ દરમિયાન જ્યારે હું વીજળી બિલ નહીં ભરનાર લોકોને નોટિસ ફટકારવા અંગે રાજસ્થાન અને મહારાષ્ટ્ર સરકારનું ધ્યાન દોરી રહ્યોહતો ત્યારે મને આ મેસેજ મળ્યો હતો. હાલ હું ખાડિયા પોલીસ સ્ટેશને છું અને ગુનેગાર સામે ફરિયાદ નોંધાવી રહ્યો છું.

એસવીપીના સીઈઓ રામ્યા ભટ્ટે કહ્યું કે, આવી કોઈ ઘટના બની હોય તે અંગેને ફરિયાદ સ્ટાફના સભ્ય તરફથી મળી નથી.

કોવિડ હોસ્પિટલમાં ટ્રાન્સફર કરાઈ હોવાથી બહારની કોઈ વ્યક્તિને પરિસરમાં આવવાની મંજૂરી નથી.

સાયબર ક્રાઈમમાં પોલીસ સ્ટેશનના ડીસીપી અને ખાડિયા પોલીસ સ્ટેશનના ઇન્સ્પેક્ટર પી.ડી.સોલંકીએ કહ્યું કે, તેમણે ભટ્ટ તરફથી હજુ સુધી કોઈ અરજી મળી નથી.