Gujarati News

Gujarati News

News of Tuesday, 26th November 2019

મેં ટીમ માટે રન નથી બનાવ્યા ત્યારે હું ટીમ માટે ભારરૂપ હોવ વર્તન થયું છેઃ વેસ્‍ટ ઇન્ડિઝના સ્ટાર બેટ્સમેન ક્રિસ ગેઇલનો આક્રોશ

જોહાનિસબર્ગ : વેસ્ટ ઇન્ડિઝનો જબરદસ્ત સ્ટાર બેટ્સમેન ક્રિસ ગેઇલ જ્યારે ફોર્મમાં હોય છે ત્યારે તેના ચાહકોનો ઉત્સાહ ગજબનો હોય છે અને જો તે નિષ્ફળ સાબિત થાય તો ગુસ્સો પણ એટલો જ ભયંકર હોય છે. ક્રિસ ગેઇલે પોતાના આલોચકો વિશે નિરાશા જાહેર કરીને કહ્યું છે કે તેઓ હંમેશા એ ટીમ પર બોજો હોય છે જેના માટે રમતા હોય છે. ગેઇલ હાલમાં દક્ષિણ આફ્રિકામાં મજાન્સી સુપર લીગની જોજી સ્ટાર્સ ટીમ માટે રમી રહ્યો છે. આ સમયે જ તેણે પોતાનું દુખ જાહેર કર્યું છે. આ નિવેદન કરતી વખતે ગેઇલે સ્પષ્ટતા કરી છે કે હું માત્ર આ ટીમની વાત નથી કરી રહ્યો પણ છેલ્લા કેટલાક વર્ષોથી ફ્રેન્ચાઇઝી ક્રિકેટ રમતા મને આ અનુભવ થયો છે.

ગેઇલે જણાવ્યું છે કે "ક્રિસ ગેઇલે જ્યારે મેં રન નથી બનાવ્યા ત્યારે તેની સાથે હંમેશા જાણે તે ટીમ માટે ભારરૂપ હોય એવું વર્તન થયું છે. લોકો એ યાદ નથી રાખતા કે મેં તેમના માટે શું કર્યું છે અને મને સન્માન નથી આપતા. આ ટીકા માત્ર વર્તમાન ફ્રેન્ચાઇઝી સુધી સિમીત નથી. મને છેલ્લા કેટલાક વર્ષોથી આવો અનુભવ થઈ રહ્યો છે."

પોતાની લાગણીને વાચા આપતા ક્રિસ ગેઇલે કહ્યું છે કે '' એકવાર ક્રિસ ગેઇલ નિષ્ફળ જાય એટલે તેની કારકિર્દીનો અંત આવી ગયો છે એવી ચર્ચા શરૂ થઈ જાય છે. તે સારો નથી, તે સૌથી ખરાબ ખેલાડી છે અને અન્ય બાબતોની ચર્ચા શરૂ થઇ જાય છે. મેં સામાન્ય રીતે આ બાબતો પર કાબૂ મેળવ્યો છે અને હવે હું અપેક્ષા રાખું છું કે આ વસ્તુઓ સામે આવશે જ અને તેની સાથે જીવી રહ્યો છું."

(5:08 pm IST)
  • મહારાષ્ટ્રમા રાજકીય મડાગાંઠ વચ્ચે ફ્લોર ટેસ્ટ પહેલા જ શક્તિ પ્રદર્શન : હોટલ હયાતમાં શિવસેના,એનસીપી અને કોંગ્રેસના ધારાસભ્યોની પરેડ : ત્રણેય પક્ષના સહીત 162 ધારાસભ્યો હાજર રહ્યાંનો દાવો : શરદ પવાર ,સુપ્રિયા સુલે,ઉદ્ધવ ઠાકરે સહિતના વરિષ્ઠ નેતાઓની ઉપસ્થિતિ access_time 7:36 pm IST

  • મહારાષ્ટ્રમાં કર્ણાટક ૨૦૧૮નું પુનરાવર્તન : કર્ણાટકમાંમાં ભાજપના બીએસ યેદિયુરપ્પાએ સત્તા ગ્રહણ કર્યાના ૫૬ કલાકમાં રાજીનામુ આપવુ પડેલ જ્યારે મહારાષ્ટ્રમાં દેવેન્દ્ર ફડણવીસે ૮૦ કલાકમાં રાજીનામુ આપી દીધુ છે access_time 4:29 pm IST

  • મુંબઇના વાનખેડે સ્ટેડીયમના ગરવારે હોલમાં રાતે ભાજપની મહત્વની બેઠકઃ બધા ૧૦પ ધારાસભ્યો ઉપરાંત કેટલાક અપક્ષો પણ ઉપસ્થિત રહેશેઃ ઘડાશે કાલ માટેની રણનીતિ access_time 3:41 pm IST