Gujarati News

Gujarati News

News of Monday, 18th March 2019

લોકસભા સામાન્ય ચૂંટણી ૨૦૧૯ અંતર્ગત

અમરેલી જિલ્લામાં બેંકોમાં નાણાની લેવડ દેવડ પર નજર રખાશે : કલેકટર ઓક

અમરેલી તા. ૧૮ : કલેકટર કચેરી ખાતે જિલ્લા ચૂંટણી અધિકારી આયુષ ઓકએ જાહેર અને ખાનગી બેંકો, તિજોરી શાખા, ઈન્કમ ટેકસ તેમજ પોસ્ટ વિભાગના કર્મચારીઓ - અધિકારીઓ સાથે બેઠક યોજી હતી. જેમાં ચૂંટણીની પ્રક્રિયા દરમિયાન થતાં ખર્ચ અને નાણાંની લેવડદેવડ અંગે સવિસ્તાર માહિતી આપી હતી.

આ વિષય પર ચર્ચા કરતા જિલ્લા ચૂંટણી અધિકારી આયુષ ઓકએ જણાવ્યું હતુ કે સમગ્ર જિલ્લાની જાહેર કે ખાનગી બેંકોએ એક લાખથી વધુનાં શંકાસ્પદ ટ્રાંઝેકશનોની વિગતો મોકલવાની રહેશે. જો આ રકમ ૧૦ લાખથી વધુ હોય તો કાયદાકીય પગલા લેવા આવકવેરા વિભાગનાં નોડલ અધિકારીને મોકલવાની રહેશે. દરેક ઉમેદવારે ચૂંટણી ખર્ચ માટે અલગ બેંક ખાતું ખોલાવવાનું રહેશે. આ ખાતું રાજયની સહકારી બેંકો સહીત કોઈપણ બેંક કે પોસ્ટઓફિસમાં ઉમેદવારના નામે અથવા ચૂંટણી એજન્ટ સાથે સંયુકત નામે પણ ખોલાવી શકાશે. આ સાથે તમામ બેન્કોને સૂચના આપતા જણાવ્યું હતું કે રોકડ લઇ જતી આઉટસોર્સ્ડ સંસ્થા કે કંપનીની રોકડ વાન બેંક સિવાયના અન્ય પક્ષ સંસ્થા/વ્યકિતઓની રોકડ લઇ શકશે નહિ. આ વાન દ્વારા લઇ જવાતી રોકડ રકમના તમામ દસ્તાવેજો સાથે રાખવા પડશે.

આ પ્રસંગે જિલ્લા વિકાસ અધિકારીશ્રી સી. એમ. પાડલીયા, નાયબ જિલ્લા ચૂંટણી અધિકારીશ્રી આર.જી. આલ,  જિલ્લા તિજોરી અધિકારીશ્રી સુવા, મદદનીશ ચૂંટણી અધિકારીઓ અને નોડલ અધિકારીઓ ઉપસ્થિત રહ્યા હતા.

(9:47 am IST)
  • યુપીમાં કોંગ્રેસને સમર્થન આપવા ભીમ આર્મીનો ઇન્કાર :ભીમ આર્મીના ચીફ ચંદ્રશેખર સાથે પ્રિયંકા ગાંધીએ મુલાકાત કરતા ચર્ચા હતી કે ભીમ આર્મી કોંગ્રેસને સપોર્ટ કરશે :ભીમ આર્મીના રાષ્ટ્રીય અધ્યક્ષ રાતનસિંહે કહ્યું કે લોકસભા ચૂંટણીમાં યુપીમાં કોંગ્રેસને સમર્થન કરવા કોઈ કારણ નથી :તેઓએ એમ પણ કહ્યું કે કોંગ્રેસે દલિતો માટે કઈ કર્યું નથી access_time 12:54 am IST

  • મુખ્યમંત્રી વિજયભાઈ રૂપાણીના નિવાસે મળેલી બેઠકમાં વડોદરા,પંચમહાલ અને ભરૂચની પેનલ ફાઇનલ:ભરૂચમાં વર્તમાન સાંસદ ની સાથે ભરતસિંહ અને ઘનશ્યામ પટેલનું નામ ઉમેરાયું:.વડોદરા માં સબદશરણ અને ભાર્ગવ ભટ્ટના નામ ઉમેરાયા..રંજન ભટ્ટ ઉપરાંત અન્ય એક બ્રાહ્મણ મહિલાનું નામ મુકાયું. access_time 10:09 pm IST

  • ભુજની મુંબઈ સાથેની વિમાની સેવા ઠપ્પ :જેટ એરવેઝે ભુજ સાથેની વિમાનીસ એવા 31મી માર્ચ સુધી કરી બંધ :એપ્રિલ મહિનાની ટિકિટો પણ બ્લોક કરી :બે ફ્લાઇટને બદલે એક ફ્લાઇટ હતી ચાલુ :એકમાત્ર વિમાની સેવા એકાએક કેન્સલ કરતા મુસાફરો રઝળ્યા :ભુજ એરપોર્ટ ડખ્ખો :સ્વખર્ચે રાજકોટ,અમાદાવાદ પહોંચી મુંબઈ જવા ફરજ પડી : access_time 11:27 pm IST