Gujarati News

Gujarati News

News of Saturday, 16th June 2018

જામનગરમાં જુગારીઓ પર બીજા દિવસે પણ ઘોસ બોલાવી: પાંચ જગ્યાએ દરોડા : 36 શકુનિઓ ઝડપાયા : 56 હજારનો મુદામાલ જપ્ત

જામનગરમાં જિલ્લા પોલીસ વડાની સુચનાને પગલે પોલીસે સતત બીજા દિવસે જુગારીઓ પર ઘોંસ બોલાવી પાંચ સ્થળે દરોડા પાડી ૩૬ શકુનીઓની ધરપકડ કરી ૫૬ હજારનો મુદામાલ કબ્જે કરી નાશી છૂટેલા એક શખ્સની શોધખોળ આદરી છે

  પોલીસમાંથી પ્રાપ્ત વિગત મુજબ સુભાષ માર્કેટ નજીક જાહેરમાં જુગાર રમતા રમેશ ગોકળ બારૈયા, હિતેશ કિશોર ચૌહાણ, મુસ્તુફા કરીમ કુરેશી, મનોજ રમેશ ભટ્ટી, અરવિંદ બાબુલાલ મકવાણા, નરોતમ ભગવાનજી નકુમ મહેશ કિશોર ચૌહાણ અને રમેશ રામજી પરમારને.૧૦૧૧૦ની રોકડ રકમ સાથે જામનગર સીટી એ ડીવીઝનના કોન્સ્ટેબલ ધવલગીરી ગુસાઈ સહિતના સ્ટાફે દબોચી લીધા હતા. જયારે બીજ બનાવમાં ગુલાબનગરનાં નાલા નીચે પતા ટીચતા યાકુબ રફીક શેખ, જાવીદ મહમદ પીરજાદારૂ અબ્દુલ સતાર સલીમભાઈ શેખ, ઈમરાન મહમદહુશેન શેખ અને લતીફ એલીયાસ સૈયદને ૧૦૧૩૫ની રોકડ અને ૫૫૦૦ની કિમંતના પાંચ મોબાઈલ ફોન મળી કુલ ૧૫૬૩૫ના મુદામાલ સાથે બી ડીવીઝનના પીએસઆઈ ડી.ડી. લાડુમોર સહિતના સ્ટાફે ઝડપી લીધા હતા.

 આ ઉપરાંત જામનગરનાં મોટીભળશાણ ગામે જુગારધામ ચાલતુ હોવાની બાતમીનાં આધારે જામનગર એલસીબીએ દરોડો પાડયો હતો. દરોડા દરમિયાન જુગાર રમતા સુ‚ભા અનુભા સોઢા, અનીલ પરસોતમ ચાવટીયા, દેવેન્દ્રસિંહ ગણપતસિંહ જાડેજા, સંજય અરશી ચોચા, બીપીન અરજણ ભાલોડીયા, ઈન્દ્રીશ હબીબ થપમ ભાયા હમીર ચોચા અને કેશુ ગોરધન અજુડીયાને પકડી લીધા હતા. જુગારના પટમાં રહેલી રોકડ રકમ બે બાઈક અને કાર મળી ૨૦,૦૫૦૦નો મુદામાલ કબ્જે કર્યો હતો.

 જામનગર નજીક આવેલા દરેડ નીલગીરી વિસ્તારમાં જુગારધામ ચાલતું હોવાની બાતમીનાં આધારે પંચકોષી બી ડીવીઝન પોલીસે દરોડો પાડી જુગાર રમતા ડાયા મુરા વારસાખીયા, નારણ માંડા ચૌહાણ, શીપુ સંભુ ચૌહાણ, પ્યારેલાલ સરલમલાશાહ અને માધવ પંકરી ભાગાનગરેને ઝડપી લીધા હતા. જુગારના પટમાં રહેલા રોકડા ૧૦૫૩૦ પોલીસે કબ્જે કરી વધુ તપાસ હાથ ધરી છે.

(12:14 pm IST)
  • નિતી આયોગની બેઠકમાં ભાગ લેવા માટે આજે ઘણાં રાજ્યોના મુખ્યમંત્રીઓ દિલ્હી પહોંચ્યા છે. આ દરમિયાન બંગાળના મુખ્યમંત્રી મમતા બેનરજી સહિત કર્ણાટકના મુખ્યમંત્રી કુમાર સ્વામી, તામિલનાડુના ચંદ્રાબાબુ નાયડુ અને કેરળના મુખ્યમંત્રી પી. વિજયને ઉપરાજ્યપાલ અનિલ બેજલને પત્ર લખીને દિલ્લીના મુખ્યમંત્રી અરવિંદ કેજરીવાલને મળવાની પરવાનગી માગી હતી, જેઓ ઘણા દિવસોથી ઉપરાજ્યપાલ નિવાસસ્થાને ધરણા પર બેઠા છે. આ બાબતે ઉપરાજ્યપાલ અનિલભાઈ બેજલે આ ચારેય મુખ્યમંત્રીઓને પરવાનગી આપી ન હતી, જેના લીધે મમતા બેનરજી સહિતના ચારેય મુખ્યમંત્રીઓ અરવિંદ કેજરીવાલના ઘરે પહોંચી, તેમના પરિવારજનોને મળ્યા હતા. આ સમયે મમતા બેનર્જીએ જણાવ્યું હતું કે આ ઘટના સંવેધાનિક સંકટ સમાન છે. આ બાબત પછી રાષ્ટ્રીય રાજકારણમાં જબરજસ્ત ગરમાવો જોવા મળી રહ્યો છે. access_time 11:04 pm IST

  • દિલ્હી ઉપ રાજ્યપાલની ઓફિસ રાજનિવાસમાં ધરણા પર બેઠેલા ડેપ્યુટી સીએમ મનીષ સિસોદિયાએ શનિવારે ઈદના અવસરે એલજી અનિલ બૈજલને ઈદની શુભેચ્છા આપી. પોતાના ટ્વીટમાં સિસોદિયાએ લખ્યું - ઈદ મુબારક સર! તમારા રાજભવનમાં પાંચ દિવસથી બેઠા છીએ. ઈદ મળવાના બહાને બોલાવી લો. 4 દિવસથી ઉપવાસ પર છું. કહે છે કે હોળી, દિવાળી અને ઈદ પર તો દુશ્મનને પણ ગળે લગાવી લેવામાં આવે છે. દિલ્હીના ઉપ મુખ્યપ્રધાન મનીષ સિસોદિયા, સ્વાસ્થ્ય મંત્રી સત્યેન્દ્ર જૈન અને વિકાસ, શ્રમ તથા રોજગાર મંત્રી ગોપાલ રાય મુખ્યપ્રધાન અરવિંદ કેજરીવાલની સાથે ઉપ રાજ્યપાલની ઓપિસમાં ધરણા પર બેઠા છે. સત્યેન્દ્ર જૈને મંગળવારથી અને મનીષ સિસોદિયાએ બુધવારથી ભૂખ હડતાળ શરૂ કરી છે. access_time 9:04 pm IST

  • ઈન્દોરમાંથી ૩૦ કરોડનું ૩૦૮ કિલો ડ્રગ્સ ઝડપાયુ : અમદાવાદ, વડોદરા, મુંબઈ, ગોવામાં સપ્લાય કરતાં હતા : ડીઆરઆઈ ટીમે ઈન્દોરમાંથી ડ્રગ્સની સપ્લાય કરતા ૧૧ શખ્સોની ધરપકડ કરી છે : આ શખ્સો પાસેથી ૩૦૮ કિલો ડ્રગ્સ જપ્ત કરાયુ છે : આ શખ્સો રેવ પાર્ટીમાં અમદાવાદ, વડોદરા, મુંબઈ, ગોવામાં ડ્રગ્સની સપ્લાય કરતા હોવાનું ખુલ્યુ છે access_time 5:55 pm IST