Gujarati News

Gujarati News

News of Tuesday, 13th April 2021

વડિયામાં કોરોના રસીકરણ કેમ્પને સફળ બનાવવા સરપંચ છગન ઢોલરીયાની ડોર ટુ ડોર ઝુંબેશ

સરપંચ પછાત વિસ્તારમાં માઇક લઇને ગલીઓમાં જોવા મળ્યા : કોરોનાથી લોકોને બચાવવા લોકજાગૃતિ અભિયાન

(ભીખુભાઇ વોરા દ્વારા) વડિયા તા. ૧૩ : કોરોના મહામારીથી લોકો બચાવવા, કોરોના સંક્રમણ ઘટાડવા સાથે કોરોના સંક્ર્મણ બાબતે લોકોને જાગૃત કરવા માં તે વડિયામાં વહીવટી તંત્ર અને સ્થાનિક સંસ્થાઓ દ્વારા કોરોના રસીકરણ કેમ્પનુ આયોજન વડિયામાં ચાર અલગ અલગ જગ્યાએ કરવામાં આવ્યુ હતુ.

આ કેમ્પને સફળ બનાવવા માટે વડિયાના ઉપસરપંચ અને જાગૃત નાગરિક છગનભાઇ ઢોલરીયા વડિયામાં આરોગ્ય કર્મચારીઓને સાથે રાખી ડોર ટુ ડોર પ્રચાર ઝુંબેશ શરૂ કરી હતી. આ ઉપરાંત વડિયાના પછાત વિસ્તારમાં લોકો વધુ રસીકરણ કરાવે તે માટે ગામની ગલીઓમાં હેન્ડ માઈક લઈને લોકોને કોરોના રસીકરણ કરાવવા અને કોરોના બાબતે જાગૃતિ લાવવા પ્રચાર કરતા પણ જોવા મળ્યા હતા.

જો દરેક ગામના સરપંચ આટલી જાગૃતિ દાખવી કોરોના ગાઈડ લાઈનના પાલન અને રસીકરણ માટે જાગૃતિ દાખવી ઝુંબેશ હાથ ધરે તો પોતાના ગામના નાગરિકોને કોરોના સંક્રમણ થી ચોક્કસ બચાવી શકાય.

(11:47 am IST)
  • કેન્‍દ્રના કેબીનેટ મંત્રી સંતોષ ગંગવાર તથા ભાજપના અગ્રીમ હરોળના નેતા અનિલ બલૂની કોરોના પોઝીટીવમાં સપડાયા છે access_time 1:11 pm IST

  • અમેરિકાનું ઐતિહાસિક પગલું : 11 સપ્ટેમ્બર સુધીમાં કોઈપણ શરતો વિના અફઘાનિસ્તાનથી તમામ યુએસ સૈનિકો પરત ખેંચવાનું જાહેર કરતા રાષ્ટ્રપતિ જો બાયડન : અમેરિકાએ, સૈનિકોને પરત લાવવા દરમ્યાન કોઈપણ હુમલા અંગે આતંકી તાલિબાનને 'ભયાનક પ્રતિસાદ' આપવાની ચેતવણી આપી : સૈનિકોને અફઘાનિસ્તાનથી અમેરિકા પરત લાવવા બાબતે બુધવારે રાષ્ટ્રપતિ બાયડન સંબોધન કરશે તેમ વ્હાઇટ હાઉસ પ્રવક્તાએ જણાવ્યું છે. access_time 11:18 pm IST

  • દેશમાં કોરોનાના કેસમાં ભયાનક ઉછાળો : પહેલીવાર મૃત્યુઆંક 1 હજારથી વધુ : એક્ટિવ કેસમાં ધરખમ વધારો : રોજ નવા રેકોર્ડ સર્જતાં કેસથી ભારે ફફડાટ : રાત્રે 12 વાગ્યા સુધીમાં કોરોનાના નવા 1,85,104 કેસ નોંધાયા :કુલ કેસની સંખ્યા 1,38,71,321 થઇ :એક્ટિવ કેસ 13,60,867 થયા : વધુ 82,231 દર્દીઓ સ્વસ્થ થતા કુલ 1,23,32,688 સાજા થયા :વધુ 1026 લોકોના મોત સાથે કુલ મૃત્યુઆંક 1,72,115 થયો : દેશમાં મહારાષ્ટ્રમાં સૌથી વધુ 60,212 નવા કેસ નોંધાયા છે જયારે ઉત્તર પ્રદેશમાં 17,963 કેસ, છત્તીસગઢમાં 15,121 કેસ, દિલ્હીમાં 13,468 કેસ અને કર્ણાટકમાં 8778 કેસ નોંધાયા access_time 12:45 am IST