Gujarati News

Gujarati News

News of Tuesday, 13th April 2021

બાબરા તાલુકાના ખંભાળા-કરીયાણા માર્ગ પર પાંચ કરોડના ખર્ચે નિર્મિત બ્રિજનું વિરજીભાઇ ઠુંમરના હસ્તે લોકાર્પણ

રાજ્ય સરકારમાં પાંચ કરોડનો પુલ મંજુર કરાવી સમય મર્યાદામાં કામગીરી પૂર્ણ કરી લોકાર્પણ થતા રાહદારીઓમાં રાહતની લાગણી પ્રસરી

બાબરા તા. ૧૩ : બાબરા તાલુકાના કરીયાણા -ખંભાળા માર્ગ પર પાંચ કરોડના ખર્ચે બ્રિજ મંજુર કરાવી સમય મર્યાદામાં કામગીરી પૂર્ણ કરાવી ધારાસભ્ય વિરજીભાઈ ઠુંમરે મર્યાદિત કોંગ્રેસ અગ્રણીઓની ઉપસ્થિતિમાં બ્રિજનું લોકાર્પણ કરતા અહીં ગામના સ્થાનિક તેમજ રાહદારીઓમાં રાહતની લાગણી પ્રસરી ગઈ હતી.

 બાબરા તાલુકાના કરીયાણા ખંભાળા માર્ગ પર મોટો પુલ બનાવવાની ખુબજ જરૂરીયાત હતી અહીંના કરીયાણા ગામના લોકોને આગેવાનો દ્વારા ધારાસભ્ય વિરજીભાઈ ઠુંમરને રજુઆત કરતા ધારાસભ્ય દ્વારા રાજય સરકારમાં પાંચ કરોડના ખર્ચે આ પુલ ૬ માસ પેલા મંજૂર કરાવી તેની ગુણવત્તા યુકત કામગીરી શરૂ કરાવી હતી અત્રે ઉલ્લેખનીય છે અહીં કરીયાણા ગામમાં આવેલ ડેમનું પાણી ઉપરવાસમાંથી આવતા અહીં પાણી ભરાતા માર્ગ બેટમાં ફેરવાઈ જતો હતો અને લોકોની અવર જવર બંધ થઇ જતી જેના કારણે લોકોને ભારોભાર મુશ્કેલીઓ પડતી હતી.

લાઠી બાબરાના ધારાસભ્ય વિરજીભાઈ ઠુંમરે પરિસ્થિતિની ગંભીરતા અને લોકોની માંગણીને ધ્યાનમાં રાખી ત્વરિત રાજય સરકારમાં રજુઆત કરી અહીં પાંચ કરોડના ખર્ચે પુલ મંજુર કરાવ્યો હતો જેનું લોકાર્પણ આજે કરવામાં આવ્યું હતું.

આ પ્રસંગે તાલુકા પંચાયતના પૂર્વ પ્રમુખ ધીરૂભાઈ વહાણી,તાલુકા કોંગ્રેસના પ્રમુખ જશમતભાઈ ચોવટિયા સહિત સ્થાનિક ગામમાં અગ્રણીઓ અને અધિકારીઓ ઉપસ્થિત રહ્યા હતા.

(11:44 am IST)
  • મહારાષ્ટ્ર સરકાર 12 લાખ શ્રમિકોને 1500 રૂપિયા, રિક્ષાચાલકોને 1500 તેમજ આદિવાસીઓને 2000 રૂપિયા આપશે : CM ઉદ્ધવ ઠાકરેએ જણાવ્યું છે કે "અમે 3300 કરોડ રૂપિયા માત્ર કોવિડ સંબંધિત સુવિધાઓ માટે અલગથી રાખ્યાં છે." : કુલ 5500 કરોડનું આર્થિક મદદનું પેકેજ ઉદ્ધવ સરકારે તૈયાર કર્યું છે તેમ જાણવા મળે છે. access_time 10:21 pm IST

  • પશ્ચિમ બંગાળમાં કોરોનાનો હાહાકાર : મૃત્યુઆંક મહારાષ્ટ્ર જેટલો થઇ ગયો : કોરોના પોઝિટિવ કેસમાં પણ દેશમાં ત્રીજા નંબરે : ચૂંટણી રેલી દરમિયાન કોરોના વધુ વિકર્યો હોવાનું અનુમાન : હજુ ચાર તબક્કાની ચૂંટણી બાકી હોવાથી પરિસ્થિતિ વધુ વિકટ થવાની ભીતિ access_time 12:13 pm IST

  • દેશમાં કોરોનાના કેસમાં ભયાનક ઉછાળો : પહેલીવાર મૃત્યુઆંક 1 હજારથી વધુ : એક્ટિવ કેસમાં ધરખમ વધારો : રોજ નવા રેકોર્ડ સર્જતાં કેસથી ભારે ફફડાટ : રાત્રે 12 વાગ્યા સુધીમાં કોરોનાના નવા 1,85,104 કેસ નોંધાયા :કુલ કેસની સંખ્યા 1,38,71,321 થઇ :એક્ટિવ કેસ 13,60,867 થયા : વધુ 82,231 દર્દીઓ સ્વસ્થ થતા કુલ 1,23,32,688 સાજા થયા :વધુ 1026 લોકોના મોત સાથે કુલ મૃત્યુઆંક 1,72,115 થયો : દેશમાં મહારાષ્ટ્રમાં સૌથી વધુ 60,212 નવા કેસ નોંધાયા છે જયારે ઉત્તર પ્રદેશમાં 17,963 કેસ, છત્તીસગઢમાં 15,121 કેસ, દિલ્હીમાં 13,468 કેસ અને કર્ણાટકમાં 8778 કેસ નોંધાયા access_time 12:45 am IST