Gujarati News

Gujarati News

News of Wednesday, 7th April 2021

નારાયણનગરમાંથી બે દિવસ પહેલા ગૂમ થયેલી પરિણિતાની ખાણમાંથી લાશ મળી

દૂધ લેવા જવા નીકળ્યા બાદ ગાયબ થતાં ભકિતનગર પોલીસમાં ગૂમની જાણ કરાઇ હતી

રાજકોટ તા. ૭: ઢેબર રોડ પર અટિકા પાસે નારાયણનગરમાં રહેતી ગજરાબેન કિશન સલાટ (ઉ.વ.૨૨) બે દિવસ પહેલા ઘરેથી દૂધ લેવા નીકળ્યા બાદ ગૂમ થઇ ગઇ હતી. તેની આજે કિસાન ગોૈશાળા નજીક આજીડેમ પાસેની ખાણમાંથી લાશ મળી આવતાં અરેરાટી વ્યાપી ગઇ છે. બનાવ આપઘાતનો છે કે અન્ય કોઇ રીતે મોત થયું? તે જાણવા પોલીસે તપાસ શરૂ કરી છે.

કિસાન ગોૈશાળા નજીક ખાણમાં એક યુવતિની લાશ તરતી હોવાની જાણ થતાં ફાયર બ્રિગેડની ટીમ પહોંચી હતી અને મૃતદેહ બહાર કાઢ્યો હતો. આજીડેમ પોલીસને જાણ થતાં હેડકોન્સ. જી. એન. વાઘેલા અને જનકસિંહ સહિતે પહોંચી કાર્યવાહી કરી હતી. મૃત્યુ પામનાર યુવતિની ઓળખ મેળવવા તપાસ થતાં તેણી નારાયણનગરમાંથી બે દિવસ પહેલા ગૂમ થયેલી ગજરાબેન હોવાનું ખુલતાં તેના પરિવારજનોને જાણ કરાઇ હતી.

તેણીને સંતાનમાં બે પુત્રી છે. માવતર મધ્યપ્રદેશ રહે છે. પતિ છુટક મજૂરી કરે છે. બનાવ આપઘાતનો છે કે અન્ય કંઇ તે અંગે તપાસ યથાવત રખાઇ છે. લાશ ફુલાઇ ગઇ હોઇ ફોરેન્સિક પોસ્ટ મોર્ટમ કરાવવામાં આવ્યું છે.

(3:40 pm IST)
  • રાજકોટમાં આજે ગરમીમાં આંશિક ઘટાડો ૩૮.૪ ડિગ્રીઃ ૧૬ કિ.મી.ની ઝડપે ફૂંકાતા ગરમ પવન access_time 4:10 pm IST

  • મહારાષ્ટ્રના અનેક શહેરોમાં ભયંકર સ્થિતિ: કોરોના કાબૂમાં આવતો નથી: ૨૪ કલાકમાં ૫૫ હજારથી વધુ નવા કેસ: પુણેમાં ૧૨,૨૧૩ નવા કોરોના કેસ નોંધાયા, મુંબઈમાં ૧૦,૦૩૦, થાણેમાં ૬૩૪૫ અને નાગપુરમાં ૪૨૧૦ નવા કોરોના કેસ: દેશના બીજા રાજ્યોમાં પણ વિજળીક ઝડપે કોરોના વધતો જાય છે: છત્તીસગઢમાં આંકડો દસ હજારે(૯૯૨૧) પહોંચ્યો: કર્ણાટકમાં ૬૧૫૦: યુપીમાં ૫૮૯૫: દિલ્હીમાં ૫૧૦૦: કર્ણાટકમાં એકલા બેંગ્લોરમાં ૪૨૬૬ કેસ, રાફડો ફાટ્યો: ગુજરાતમાં ૩૨૮૦: કેરળમાં ૩૫૦૨ અને તામિલનાડુમાં ૩૬૪૫ તથા મધ્યપ્રદેશમાં ૩૭૨૨ નવા કેસ થયા: પશ્ચિમ બંગાળ, હરિયાણા, રાજસ્થાન અને પંજાબમાં ૨૦૦૦ થી ૨૯૦૦ નવા કોરોના કેસ નોંધાયા: આંધ્રમાં ૧૯૪૧: તેલંગાણા ૧૪૯૮: ચેન્નાઈ ૧૩૦૩: ઝારખંડમાં ૧૨૬૪: યુપીના લખનઉમાં ૧૧૮૮: બિહારમાં ૧૦૮૦: ઇન્દોર ૮૦૫: ગુજરાતના અમદાવાદમાં ૭૯૮: સુરતમાં ૬૧૫: રાજકોટ ૩૨૧ અને વડોદરા ૨૧૮ કેસ નોંધાયા છે: ભોપાલમાં આંકડો ૫૮૨એ પહોંચ્યો છે: કોલકાતામાં પણ આંકડો ૫૮૨ થયો છે: જ્યારે જમ્મુ કાશ્મીરમાં પણ કેસ વધવા લાગ્યા છે અને ૫૬૧ નવા કોરોના કેસ આજ સવાર સુધીમાં નોંધાયા છે: હિમાચલ પ્રદેશમાં ૪૨૮: જયપુરમાં ૪૧૩: ગોવામાં ૩૮૭: પુદુચેરીમાં ૨૩૭ અને આસામમાં ૯૨ નવા કેસ થયા.. *ન્યૂઝફર્સ્ટ access_time 10:57 am IST

  • રાજકોટનાં પુર્વે ડે.મેયર અશ્વિન મોલીયાને કોરોના: ડોકટરની સલાહ મુજબ હોમ આઇસોલેશનમાં સારવાર હેઠળ : બે-ત્રણ દિવસમાં સંપર્કમાં આવેલ લોકોને કોરોના ટેસ્ટ કરાવવા કરી અપીલ access_time 8:16 pm IST