Gujarati News

Gujarati News

News of Monday, 18th March 2019

એકલવ્યનગરમાં જૂગાર રમતાં ૯ શખ્સ, અને બ્રહ્મસમાજ ચોકમાંથી ૪ પકડાયા

ક્રાઇમ બ્રાંચ અને ગાંધીગ્રામ પોલીસના ઘરમાં ચાલતાં જૂગારના અખાડા પર દરોડા : ક્રાઇમ બ્રાંચના એએસઆઇ વિજયસિંહ ઝાલા, સોકતખાન, અમીતભાઇ તથા ગાંધીગ્રામના વનરાજભાઇ અને ગોપાલભાઇની બાતમીઃ રોહિત અને કેશુબાપા જૂગાર રમાડતાં હતાં

રાજકોટ તા. ૧૮: જૂગારના બે દરોડામાં ક્રાઇમ બ્રાંચે સાધુ વાસવાણી રોડ એકલવ્ય મફતીયાપરામાં રહેતાં રિક્ષાચાલક ભીલ શખ્સના ઘરમાં દરોડો પાડી તેના સહિત ૯ને પકડી લઇ રૂ. ૪૦૭૦૦ કબ્જે લીધા હતાં. જ્યારે ગાંધીગ્રામ પોલીસે બ્રહ્મસમાજ ચોક પાસે રહેતાં વૃધ્ધના ઘરમાં દરોડો પાડી તેના સહિત ચારને પકડી રૂ. ૧૦૧૫૦ની રોકડ કબ્જે લીધી હતી.

ક્રાઇમ બ્રાંચના એએસઆઇ વિજયસિંહ ઝાલા, કોન્સ. સોકતખાન ખોરમ અને અમિતભાઇ ટુંડીયાની બાતમી પરથી એલવ્યનગરમાં રહેતાં રોહિત રાજુભાઇ રાઠોડ (ભીલ) (ઉ.૩૦) નામના રિક્ષાચાલકના ઘરમાં દરોડો પાડી તેને તથા જયેશ રાજુભાઇ રાઠોડ (ઉ.૩૩-રહે. એકલવ્યનગર), જાહીદ મહમદભાઇ પારેખ (ઉ.૨૫-રહે. દુધસાગર રોડ લાખાજીરાજ સોસાયટી), મહશે વિઠ્ઠલદાસ મિસ્ત્રી (ઉ.૫૨-રહે. પટેલનગર પાસે કુવાડાવ રોડ), પ્રવિણ ભલાભાઇ ગઢવી (ઉ.૩૫-રહે. સંત કબીર રોડ શકિત સોસાયટી-૧), જીતેન્દ્ર કમાભાઇ ચુડાસમા (ઉ.૩૨-રહે. રોહીદાસપરા-૭), અશ્વિન ભાણજીભાઇ બોરીચા (ઉ.૨૮-રહે. રોહિદાસપરા-૬) અને ચેતન દાજીભાઇ મે (ઉ.૨૨-રહે. એકલવ્યનગર)ને તિનપત્તી રમતાં પકડી લઇ રૂ. ૪૦,૭૦૦ કબ્જે લેવાયા હતાં.

જ્યારે ગાંધીગ્રામ પોલીસે રૈયા રોડ બ્રહ્મસમાજ ચોકમાં રઘુવીર સિલેકશન સામે રહેતાં કેશુ ભગવાનજીભાઇ સોલંકી (ઉ.૬૫)ના ઘરમાં દરોડો પાડી તેને તથા ગોરધન રાયાભાઇ અઘોલા (ઉ.૫૮-રહે. પોપટપરા-૨), અર્જુન છગનભાઇ પંસાસરા (ઉ.૨૯-રહે. શિવપરા-૧) તથા દિનેશ ભુપતભાઇ અઘોલા (ઉ.૩૦-રહે. કોઠારીયા રોડ સોમનાથ સોસાયટી)ને પકડી લઇ ગંજીપાના તથા રૂ. ૧૦,૧૫૦ રોકડા કબ્જે લીધા હતાં.

પોલીસ કમિશનર મનોજ અગ્રવાલ, જેસીપી સિધ્ધાર્થ ખત્રી, ડીસીપી રવિકુમાર સૈની, ડીસીપી મનોહરસિંહ જાડેજા, એસીપી જે. એચ. સરવૈયા, એસીપી પી. કે. દિયોરાની સુચના અને  ક્રાઇમ બ્રાંચના પી.આઇ.એચ. એમ. ગઢવીની રાહબરીમાં પીએસઆઇ પી.એમ. ધાખડા, એએસઆઇ વિજયસિંહ ઝાલા, હેડકોન્સ. પ્રતાપસિંહ ઝાલા, ફિરોઝભાઇ શેખ, હરદેવસિંહ જાડેજા, યોગેન્દ્રસિંહ જાડેજા, કોન્સ. સોકતખાન, અમીતભાઇ, યોગીરાજસિંહ તથા ગાંધીગ્રામના પી.આઇ. વી. વી. ઓડેદરાની રાહબરીમાં પીએસઆઇ જે. એમ. ભટ્ટ, હેડકોન્સ. રાહુલભાઇ વ્યાસ, કોન્સ. કિશોરભાઇ ઘુઘલ, કનુભાઇ બસીયા, દિવ્યરાજસિંહ જાડેજા, ગોપાલભાઇ પાટીલ, વનરાજભાઇ લાવડીયા, દિગ્વીજયસિંહ ગોહિલ, દિનેશભાઇ વહાણીયા, હિતેન્દ્રસિંહ ઝાલા સહિતે કોન્સ. વનરાજભાઇ અને ગોપાલભાઇની બાતમી પરથી આ દરોડો પાડ્યો હતો.

(3:50 pm IST)
  • સુરતના એરપોર્ટ પરથી વિદેશી ચલણની હેરાફેરી : ૨૫ હજાર યુએસ ડોલર, ૩૦૦૦ દિનાર સાથે ૨ની અટકાયતઃ એર ઇન્ટેલીજન્સ યુનિટ દ્વારા કાર્યવાહીઃ શાહજહાથી આવેલી ફલાઇટમાં કરતા હતા ચલણની ફેરાફેરીઃ કપડાની બેગમાં સંતાડીને વિદેશી કરન્સીની કરતા હતા હેરાફેરી access_time 3:52 pm IST

  • ગોવાઃ કોંગ્રેસનું પ્રતિનિધિમંડળ રાજ્યપાલને મળ્યું: સરકાર રચવાનો દાવો access_time 4:05 pm IST

  • કોલકત્તામાં ભારે વરસાદઃ કોલકતા : શહેરમાં ઘણા વિસ્તારમાં ભારે વરસાદના વાવડ મળે છે : ૨૪ કલાક સુધી અવાર નવાર વરસાદી દૌર ચાલુ રહેશે તેમ સ્કાયમેટ નોંધે છે : વિજળીના ચમકારા સાથે તોફાની પવન ફૂંકાતો રહેશે access_time 11:18 am IST