Gujarati News

Gujarati News

News of Thursday, 11th July 2019

સવારે હૃદયરોગનો ગંભીર હુમલો આવતા

ગુરૂદેવના અનન્ય શિષ્ય જીતુભાઇ ચતવાણીનો દેહ વિલય

રાજકોટઃ ગુરૂદેવ પૂ. રણછોડદાસજી મહારાજના અનન્ય સેવક અને ગુરૂદેવના ન્યારા આશ્રમના ટ્રસ્ટીશ્રી જીતુભાઇ ચતવાણીનું  દુઃખદ અવસાન થતા ભારે આઘાતની લાગણી પ્રસરી ગઇ છે. આજે સવારે તેમના જાગનાથ ખાતેના નિવાસ સ્થાને હૃદય રોગનો ગંભીર. હુમલો આવતા સીનર્જી હોસ્પિટલમાં લઇ જવાયેલ. આજે સાંજે તેમના નિવાસસ્થાનેથી અંતિમ યાત્રા નિકળશે.

તેઓ રાજકોટ નજીક ન્યારા ગુરૂદેવના આશ્રમના ટ્રસ્ટી હતા અને કચ્છ-ભુજ ભુકંપ વખતે અનન્ય સેવાઓ આપી હતી.

રાજકોટ ખાતેના ગુરૂદેવ શ્રી રણછોડદાસજી આશ્રમના રીનોવેશનમાં શ્રી જીતુભાઇ એ તન-મન-ધનથી સેવા આપી હતી. રાજકોટના જાણીતા બિલ્ડરોમાં તેમનુ માનભર્યું નામ હતુ. અકિલા પરીવારના તેઓ વેવાઇ થાય છે.

ગુરૂદેવ પૂ. રણછોડદાસજી મહારાજે મુંબઇમાં ૧૯૭૦માં જેમના નિવાસ સ્થાને દેહત્યાગ કરેલ તે સ્વ. રામભાઇ ગોકાણી જીતુભાઇના સગા માસા થાય. આખો પરિવાર પૂ. ગુરૂદેવના અનન્ય અનુયાયી છે. પુ. ગુરૂદેવ આશ્રમના ટ્રસ્ટી શ્રી પ્રવીણભાઇ વસાણી, પ્રફુલાબેન, અકિલાના મોભી કિરીટભાઇ ગણાત્રા, અજીતભાઇ ગણાત્રા અને તેમના પરિવારજનો મિત્રો, સ્નેહીઓ નિવાસે દોડી ગયા હતા.

સાંજે ૫ાા વાગે સ્મશાન યાત્રા નિકળશે

 શ્રી જીતુભાઇ મથુરાદાસ ચતવાણી તે ડો. નટુભાઇ વિઠ્ઠલાણીના જમાઇનું આજરોજ દુઃખદ અવસાન થયેલ છે. તેમની સ્મશાન યાત્રા આજે તા.૧૧/૭/૨૦૧૯ના સાંજે ૫ાા વાગે તેમના નિવાસ સ્થાન ત્રિલોક, ૨૨ ન્યુ જાગનાથથી નીકળશે. અને રામનાથપરા સ્મશાનગૃહ ખાતે અંતિમ વિદાય અપાશે.

(12:43 pm IST)
  • અમિત જેઠવાની હત્યા કરનાર તમામને આજીવન કેદ : સ્વ.અમિત જેઠવા હત્યા કેસ : પૂર્વ ભાજપ સાંસદ દિનુ બોઘા અને શિવા સોલંકી સહિત તમામ આરોપીને આજીવન કેદની સજા ફટકારતી સીબીઆઈની સ્પેશ્યલ અદાલત : અમિત જેઠવાના પરિવારને રૂ.૧૧ લાખની સહાય : દિનુ સોલંકી અને શિવા સોલંકીને રૂ. ૧૫ લાખનો દંડ access_time 12:14 pm IST

  • કર્ણાટકમાં આવતા 96 કલાકમાં કઈક નવા-જૂની થઈ શકે છે : બેંગ્લોર પોલીસે તા. 11 થી 14 જુલાઈ દરમ્યાન, વિધાનસભા સ્થળના ફરતે 2 કિ. મી. વિસ્તારમાં ધારા 144 લાગુ કરી દીધી : આવતા 48 કલાકમાં કર્ણાટકના મુખ્યમંત્રી એચ. ડી. કુમારસ્વામી મુખ્યમંત્રી પદ પરથી રાજીનામું આપી શકે છે તેમ આધારભૂત સુત્રોમાંથી જાણવા મળે છે access_time 10:35 pm IST

  • મહેસાણાના વિજાપુરની આંગણીયા લૂંટમાં સરકારી કચેરીના ડ્રાઈવરની સંડોવણી ખુલી : ૮ જુલાઈએ રાજેશ મગન પટેલની પેઢીમાં લૂંટ થઈ હતી : જેમાં વિસનગરની સરકારી કચેરીનો ડ્રાઈવર અને કમાન્ડો સામેલ હોવાનું ખુલ્યુ : સીસીટીવીના આધારે પોલીસે અટકાયત કરી : ૧ આરોપી હજુ ફરાર access_time 6:13 pm IST