Gujarati News

રાજકોટ તા.૯: અવસાન પામ્યા હોય, નિવૃત થઇ ગયા હોય, અથવા પોતાનું ઘરનું  ઘર હોય છતા સરકારી કવાટર્સ ખાલી નહી કરનાર રાજકોટના ૬૩ સરકારી કર્મચારીઓ-અધિકારીઓને સીટી પ્રાંત-૧ શ્રી.એ.ટી. પટેલે નોટીસ ફટકારી ૮ દિ'નો સમય આપ્યો છે, અને જો ખાલી નહી કરે તો કબજો લઇ લેવા અંગે ચેતવણી આપી છે.

આ ૬૩ સરકારી કર્મચારીઓ કે જેઓએ ગેરકાયદેસર કવાટર્સ પચાવી પાડયા છે, ખાલી જ નથી કરતા તેમાં સોૈથી વધુ રેફયુજી કોલોનીમાં -૨૬, વૃંદાવન સોસાયટીમાં-૪, સીએલએફ કવાટર્સમાં-૧૧, ધરમ ટોકીઝ પાછળના-૧૨, અને સીએલએફના-૧૭ મળી કુલ ૬૩ થવા જાય છે.ગયા મહિને પણ નોટીસ ફટકારી કાર્યવાહી કરાતા, ૧૨ જેટલા કર્મચારીઓએ કવાટર્સ ખાલી કરતા તેનો કબજો મેળવી પીડબલ્યુડીને સોંપી દેવાયો હતો.