Gujarati News

Gujarati News

News of Tuesday, 5th June 2018

રાજકોટ

સૌરાષ્ટ્ર-કચ્છ

ગુજરાત

રાષ્ટ્રીય

  • મુકેશ અંબાણી વધુ પાંચ વર્ષ માટે રિલાયન્સ ઇન્ડસ્ટ્રીઝ લિમિટેડના ચેરમેન અને મેનેજિંગ ડિરેક્ટર બની ગયા છે. કંપનીના શેરધારકોએ મુકેશ અંબાણીના કાર્યકાળને પાંચ વર્ષ માટે વધારવા માટેના પ્રસ્તાવને મંજૂરી આપી દીધી છે. તેઓ 1977થી કંપનીના મેનેજમેન્ટમાં શામેલ છે. જુલાઈ 2002મા તેમના પિતા ધીરુભાઈ અંબાણીના નિધન બાદ તેમને કંપનીના ચેરમેન બનાવવામાં આવ્યા હતા. access_time 12:15 am IST

  • સોશિયલ મીડિયા એનાલિટિક્સ ફર્મ ટ્વિટર ઓડિટ અનુસાર વડાપ્રધાન મોદી, કોંગ્રેસ અધ્યક્ષ રાહુલ ગાંધી, અમેરિકાના રાષ્ટ્રપતિ ડોનાલ્ડ ટ્રમ્પને લાખો નકલી એકાઉન્ટ ફોલો કરી રહ્યા છે. રિપોર્ટ અનુસાર વડાપ્રધાન મોદી ટ્વિટર પર ત્રીજા સૌથી વધુ ફોલો કરવામાં આવતા વ્યક્તિ છે અને તેમના 23 ટકા ફોલોઅર્સ ફેક છે. દાવો કરવામાં આવ્યો છે કે વડાપ્રધાન મોદીના 43 મિલિયન ફોલોઅર્સમાંથી લગભગ 10 મિલિયન (1 કરોડ) ફોલોઅર્સ નકલી છે. જ્યારે રાહુલ ગાંધીના લગભગ અઢી મિલિયન (અઢી લાખ) ફોલોઅર્સ ફેક છે. ટ્વિટર પર ખૂબ જ સક્રિય રહેતા સુષ્મા સ્વરાજના 21 ટકા ફોલોઅર્સ ફેક છે. કોંગ્રેસના ટ્વિટર હેન્ડલ પર પક્ષને ફોલો કરનારાઓમાં 21 ટકા નકલી છે. જ્યારે ભાજપના 30 ટકા ફોલોઅર્સ નકલી છે. જેથી જો ટ્વિટર પોતાની પોલીસી હેઠળ આ નકલી એકાઉન્ટને સસ્પેન્ડ કે બ્લોક કરે તો તેમના ફોલોઅર્સની સંખ્યામાં બહુ મોટો ઘટાડો થઇ શકે છે. access_time 12:14 am IST

  • બેન્કો પાસેથી 9000 કરોડ રૂપિયાની લોન લઇ ભાગી જનાર બિઝનેસમેન વિજય માલ્યાની વિરૂદ્ધ ભલે બ્રિટનની કોર્ટે ઘરનું સર્ચિંગ અને જપ્ત કરવાનો આદેશ આપી દીધો છે. જો કે, તેનાથી કદાચ જ તેના પર કોઇ ફરક પડશે. વિજય માલ્યાએ રવિવારના રોજ કહ્યું કે તેઓ કોર્ટના એન્ફોર્સમેન્ટ ઓફિસર્સના આદેશોનું પાલન કરશે, પરંતુ તેમની પાસે કંઇ કરવા માટે હશે જ નહીં. તેમણે કહ્યું કે તેનું કારણ એ છે કે બ્રિટન સ્થિત આલીશાન ઘરમાં તેમના નામ પર કંઇ છે જ નહીં. access_time 12:14 am IST