Gujarati News

આએ દિન પબ્જીને કારણે થતા હાદસાઓને કારણે ભારતમાં અનેક રાજયોમાં એની પર પ્રતિબંધ આવી ગયો છે. એમ છતાં, એની દિવાનગી દુનિયાભરમાં વધી રહી છે. આ ગેમને લઇને પહેલી વાર કોઇ સારા સમાચાર ભારતમાં આવ્યા છે દર વર્ષે પબ્જી એક ટુર્નામેન્ટ રમાડે છે. એનું નામ છે પબ્જી મોબાઇલ કલબ ઓપન. એમાં ૪ ભારતીય યુવકની ટીમ સોલે ભાગ લીધો હતો. તેમણે છ ગેમ રમી અને એ તમામ જીતી હતી. એ માટે આ ચાર યુવકોની ટીમને ૬૦,૦૦૦ અમેરિકન ડોલર એટલે કે લગભગ ૪૧ લાખ રૂપિયાનું ઇનામ મળ્યું હતું. હજી આ ચારની ટીમ આગળ બર્લિન જઇને એમાં ભારતનું પ્રતિનિધિત્વ કરશે. બર્લિનમાં વૈશ્વિક સ્તરે સ્પર્ધા થશે. આ ટુર્નામેન્ટની ફાઇનલ જે જીતશે એ ટીમને ૧૭.૪૮ કરોડ રૂપિયાનું ઇનામ આપવામાં આવશે.