Gujarati News

નવી દિલ્હી તા. ૧૮ :.. બેંકોમાં થયેલા કૌભાંડો-છેતરપીંડીમાં સામેલ આરોપીઓ સાથે સાંઠગાંઠ કરનાર સીએ, વકીલો, વેલ્યુઅરો વગેરે સામે ટુંક સમયમાં એફઆઇઆર નોંધવામાં આવે તેવી શકયતા છે.

નીરવ મોદી કૌભાંડને કારણે હલબલી  ઉઠેલી પંજાબ નેશનલ બેંકે ગયા સપ્તાહે તેની વિવિધ ઓફીસોને નિર્દેશો આપ્યા છે. કે માત્ર લોનધારકો-જામીન જ નહિ પણ એડવોકેટસ, એકાઉટન્ટ, વેલ્યુઅર વગેરે નો જો હાથ હોય તો તેમની સામે પણ પગલા લેવા અને એફઆઇઆર નોંધાવવી. પંજાબ નેશનલ બેંકના ફ્રોડ રીસ્કર મેનેજમેન્ટે ૧૪ જૂને જારી કરેલા નિર્દેશોમાં આ મુજબ જણાવ્યું છે. બેંકને એવી માહિતી મળી છે કે, નકલી પ્રોપર્ટી ડીડ, ખોટા સરનામાના પુરાવા અને ખોટા આઇટી રીટર્ન દર્શાવી  બેંકની સાથે છેતરપીંડી થઇ છે.