Gujarati News

Gujarati News

News of Tuesday, 13th April 2021

આખા દેશમાં લાગુ કરાઇ વ્યવસ્થા

ખેડૂતોના હિતમાં કેન્દ્ર સરકારનો મહત્વનો નિર્ણયઃ ઉપજના પૈસા સીધા બેંક ખાતામાં થશે જમા

નવી દિલ્હી,તા.૧૩: ખેડૂતોના આંદોલન વચ્ચે સરકારે તેમના હિતમાં મોટો નિર્ણય કર્યો છે. આ અંગે માહિતી આપતા કેન્દ્રીય પ્રધાન પીયુષ ગોયલે ટવીટ દ્વારા જણાવ્યુ કે પંજાબમાં ખેડૂતોને ઉપજના પૈસા સીધા તેમના બેંક ખાતામાં જમા થતા જ આખા દેશમાં આ વ્યવસ્થા લાગુ થઇ ગઇ છે. હવે દેશભરના ખેડૂતો ઉપજનો એમએસપી પર વેચ્યા પછી તેના નાણા સીધા પોતાના ખાતામાં મેળવી શકશે. આઝાદી પછી ખેડૂતોના હિત માટે લાવવામાં આવેલ આ એક મોટુ પરિવર્તન છે. ખેડૂતોના હિત માટે વડાપ્રધાન મોદી દ્વારા લેવાયેલ આ પગલાથી નાના અને સીમાંત ખેડૂતોને ફાયદો થશે.

તેમણે કહ્યુ કે પંજાબમાં હવે ખેડૂતોને એમએસપી પર વેચેલ તેમની ઉપજના પૈસા સીધા તેમના બેંક ખાતાઓમાં આપવામાં આવશે. આનો લાભ એ ખેડૂતોને પણ મળશે. જે ભાડાની જમીન પર ખેતી કરે છે. સિસ્ટમમાં પારદર્શકતા આવવાથી તેઓ કોઇના બહેકાવામાં નહીં આવે અને આ ખેડૂતોને ઉપજના પુરા પૈસા પણ મળશે. પંજાબમાં ખેડૂતોને ઉપજના પૈસા સીધા તેમના બેંક એકાઉન્ટમાં મળવાની સાથે જ આ વ્યવસ્થા આખા દેશમાં લાગુ થઇ ગઇ છે.

(10:22 am IST)
  • રાજકોટ માર્કેટીંગ યાર્ડમાં કોરોનાનો રાફડો : ૧૦ કેસ : આવક બંધ કરી દેવાઈ : રાજકોટ માર્કેટીંગ યાર્ડમાં કોરોનાના ઍકસાથે ૧૦ કેસ આવતા નવી આવક સંપૂર્ણપણે બંધ કરી દેવામાં આવી છે : અગાઉના પડતર માલનો નિકાલ કરીને કામકાજ ચાલુ રાખવુ કે બંધ રાખવુ તે અંગે સત્તાધીશો વિચારણા કરી રહ્નાનું જાણવા મળે છે access_time 11:22 am IST

  • સુરેન્દ્રનગર : ડે.કલેક્ટર, મામલતદાર, પોલીસ અધિકારી, ન.પા. ચીફ ઓફિસર સહિત ઉચ્ચ અધિકારીઓની બેઠકમાં લેવાયો નિર્ણય : ધ્રાંગધ્રામાં આવતીકાલથી સપ્તાહમાં ચાર દિવસ જ વેપારીઓ વેપાર કરશે : મંગળવારથી શુક્રવાર આ ચાર દિવસ સવારે 8થી 2 સુધી વેપાર કરશે : આ સિવાય સ્વૈચ્છિક લોકડાઉનનું પાલન કરશે access_time 7:03 pm IST

  • હોલમાર્ક વગરના સોના - ઝવેરાત અંગે સરકારનો મોટો નિર્ણય : 1 જૂનથી વેચી નહીં શકાય : સરકારે મંગળવારે કહ્યું છે કે તે 1 જૂન 2021 થી ગોલ્ડ જ્વેલરી અને ઉત્પાદનો માટે ફરજિયાત હેલમાર્કિંગ લાગુ કરવા માટે સંપૂર્ણ રીતે તૈયાર છે. ગોલ્ડ હોલમાર્કિંગ કિંમતી ધાતુની શુદ્ધતા માટેનું પ્રમાણપત્ર છે અને હાલમાં સ્વૈચ્છિક છે. access_time 12:16 am IST