Gujarati News

Gujarati News

News of Monday, 18th March 2019

પાલનપુર વન વિભાગે કાંકરેજ તાલુકામાંથી દરોડા પાડી લાખો રૂપિયાનો ગેરકાયદે કોલસાનો જથ્થો જપ્ત કર્યો

ભીલડી:પાલનપુર વન વિભાગના અધિકારીઓ દ્વારા કાંકરેજ તાલુકાના થરા-ભાભર રોડ ઉપર આવેલ કોલસાના એક ગોડાઉનમાં ઓચિંતી તપાસ કરી લાખો રૃપિયાનો ગેરકાયદેસર કોલસાનો મુદ્દામાલ જપ્ત કરી કાર્યવાહી કરવામાં આવતા કાળા કોલસાના વેપારીઓ ભુગર્ભમાં ઉતરી ગયા છે. કોલસાનો કારો કાળોબાર કરતા તત્વોમાં ફફડાટ ફેલાઈ જવા પામ્યો છે.

પ્રાપ્ત વિગતો અનુસાર નાયબ વન સંરક્ષક ડો. જી.એસ. સિંહાના માર્ગદર્શન હેઠળ બનાસકાંઠા વન વિભાગની ટીમ દ્વારા કાંકરેજ તાલુકાના થરામાં ભાભર રોડથી રાણકપુર બાજુ  આવેલા અનેક ગોડાઉનમાંથી કોલસાની બીનકાયદેસર રીતે વેપાર ઝડપી પાડવામાં આવ્યો હતો. તેમજ  એક સો મિલને પણ સીલ કરવામાં આવી હતી. થરામાં ભાભર રોડથી થોડે આગળ રાણકપુર બાજુ પાલનપુર, રાધનપુર રોડ પાસે રાત્રિના સમયે વન વિભાગની ટીમ આર.એલ. જલંધરા મદદનીશ વન સંરક્ષક  ટી.એસ. ચૌધરી, થરાદ આર.એફ.ઓ. તેમજ દાંતીવાડા, અમીરગઢ, પાલનપુર, ઈકબાલગઢ સહિતના વન વિભાગના અધિકારીઓ અને તેમની ટીમ દ્વારા અચાનક થરા ખાતે ગોડાઉનમાં દરોડો પાડવામાં આવ્યો હતો. જેમાં બીનકાયદેસર રીતે  અંદાજે ૧ હજારથી બારસો બોરી કોલસો મળી આવ્યો હતો. જેની અંદાજે કિંમત સાડા ત્રણ લાખ જેટલી થવા જાય છે.

(5:25 pm IST)
  • ગોવા પૂર્વ સીએમ દિગંબર કામત ભાજપમાં જોડાવાની અફવા :કોંગ્રેસ નેતા કામતે કહ્યું કે તેઓ ભાજપમાં જોડાઈને મનોહર પાર્રિકરનું સ્થાન લેશે તેવી અફવા કેટલાક હિતશત્રુઓ ફેલાવી રહ્યાં છે :કોંગ્રેસના વરિષ્ઠ નેતા કામતે પાર્ટી છોડવાની વાતનો છેદ ઉડાવતા કહ્યું કે તેઓ રવિવારે ગોવા પાછા આવશે અને સોમવારે કોંગ્રેસના ધારાસભ્યોની બેઠકમાં ભાગ લેશે :અંગત કામે દિલ્હી ગયો હતો access_time 12:53 am IST

  • સુરતના વેડરોડ વિસ્તારની દુકાનમાં ભીષણ આગઃ ફાયર કોલ જાહેર : સમગ્ર બિલ્ડીંગને ખાલી કરાવાઇ : મયુર પ્લાઝા બીલ્ડીંગના પહેલે માળે ભીષણ આગ ભભુકીઃ ૨૦ ફાયર ફાઇટરો ઘટનાસ્થળે પહોચ્યાઃ સમગ્ર વિસ્તારમાં અફરાતફરીનો માહોલઃ આસપાસના મકાનો પણ ખાલી કરાવવા તજવીજ access_time 3:51 pm IST

  • યુપીમાં કોંગ્રેસને સમર્થન આપવા ભીમ આર્મીનો ઇન્કાર :ભીમ આર્મીના ચીફ ચંદ્રશેખર સાથે પ્રિયંકા ગાંધીએ મુલાકાત કરતા ચર્ચા હતી કે ભીમ આર્મી કોંગ્રેસને સપોર્ટ કરશે :ભીમ આર્મીના રાષ્ટ્રીય અધ્યક્ષ રાતનસિંહે કહ્યું કે લોકસભા ચૂંટણીમાં યુપીમાં કોંગ્રેસને સમર્થન કરવા કોઈ કારણ નથી :તેઓએ એમ પણ કહ્યું કે કોંગ્રેસે દલિતો માટે કઈ કર્યું નથી access_time 12:54 am IST