Gujarati News

અમદાવાદ, તા.૧૮: અમદાવાદ સહિત રાજયભરમાંથી સ્વાઇન ફ્લૂના પ્રભુત્વમાં આખરે ઘટાડો નોંધાઇ રહ્યો છે. અમદાવાદમાં સ્વાઇન ફ્લૂના ૩૫ કેસ નોંધાયા હતા અને ૧ વ્યકિતનું મૃત્યુ થયું હતું. આ સાથે જ ગુજરાતમાં ૨૦૧૯ના વર્ષમાં સ્વાઇન ફ્લૂથી કુલ મૃત્યુઆંક ૧૨૫ને પાર થયો છે.

આજે અમદાવાદ કોર્પોરેશન ખાતેથી સૌથી વધુ ૭, વડોદરા કોર્પોરેશનથી ૬, આણંદથી ૫, પાટણ-ભાવનગર કોર્પોરેશન-અરવલ્લીથી ૩-૩, જામનગર કોર્પોરેશનથી ૨, બનાસકાંઠા-રાજકોટ કોર્પોરેશન-ખેડા-દ્વારકા-ભાવનગર-મહીસાગરથી ૧-૧ વ્યકિત સ્વાઇન ફ્લૂની ઝપેટમાં આવી હતી. આમ, ૨૦૧૯ના વર્ષમાં ગુજરાતમાંથી સ્વાઇન ફ્લૂના ૪૨૯૬ કેસ નોંધાઇ ચૂકયા છે. આજે ૧ વ્યકિતનું સ્વાઇન ફ્લૂથી મૃત્યુ થયું હતું.

૧ જાન્યુઆરી ૨૦૧૯થી અત્યારસુધી ૩૭૬૫ વ્યકિતએ સ્વાઇન ફ્લૂને મા'ત આપેલી છે જયારે ૩૬૦ દર્દીઓ હજુ સારવાર હેઠળ છે. છેલ્લા ૭ દિવસમાં સ્વાઇન ફ્લૂના ૩૧૫ કેસ નોંધાયા છે અને ૭ વ્યકિતના મૃત્યુ થયા છે.