Gujarati News

મુંબઇ: સામાન્ય રીતે સંજય લીલા ભણશાલી સાથે કામ કરવા મોટા ભાગના બોલીવૂડ એકટર્સ રાજી હોય છે. પરંતુ હૃતિક રોશને ભણશાલીની ફિલ્મમાં કામ કરવાની ઓફર ફગાવી દીધી છે. જોકે જુનિયર રોશને આ માટે કોઇ કારણ આપ્યું નથી. 'પુલિમરગન મલયાલમ ફિલ્મ ૨૦૧૬માં રીલિઝ થઇ હતી જેમાં મોહનલાલે ઉત્તમ અભિનય કર્યો હતો. આ એક એકશન એડવેન્ચર ફિલ્મ હશે. મૂળ ફિલ્મમાં દીપડો ગામડાના રહેવાસીઓનો શિકાર કરે છે જેની ચુંગલમાંથી મોહનલાલ ગામવાસીઓને બચાવે છે. જોકે આ ફિલ્મની સત્તાવાર ઘોષણા હજી કરવામાં આવી નથી. સંજય લીલા ભણશાલી મલાયલમ ફિલ્મમાં મોહનલાલે ભજવેલું પાત્ર હૃતિક કરે તેવી ઇચ્છા હતી. આ એક એકશન પેક રોલ છે. જોકે હૃતિકે આ ફિલ્મમાં કામ કરવાનો નનૈયો ભણ્યો છે.આ ફિલ્મ્ સાથે સંકળાયેલા સૂત્રે જણાવ્યું હતું કે, '' ભણશાલી ઇચ્છતા હતા કે આ રોલ હૃતિક રોશન ભજવે. તેથી તેમણે અભિનેતાનો સંપર્ક કર્યો હતો. પરંતુ હૃતિકે કોઇ પણ કારણ આપ્યા વગર આ ફિલ્મ રિજેક્ટ કરી દીધી. તેથી ભણશાલી હવે આ પાત્રને યોગ્ય ન્યાય આપી શકે તેવા અભિનેતા શોધી રહ્યા છે. આ ફિલ્મમાં માનવભક્ષી દીપડાની સાથેસાથગ્દાણચોરી, ડ્રગ એડિકશન જેવી વાતોને પણ વણવામાં આવી છે. આ ફિલ્મનું દિગ્દર્શન સંજય લીલા ભણશાલી જ કરશે કે પછી મલાયમ ફિલ્મના દિગ્દર્શકને આની બાગડોર સોંપવામાં આવશે તેનો નિર્ણય પણ હજી લેવામાં આવ્યો નથી.