Gujarati News

સ્ટાર પ્લસના ફેન્ટસી ડ્રામા શો હાતિમતાઈના રોલથી જાણીતો થયેલો મોડેલ અને ટેલિવિઝન એકટર રાહિલ આઝમ વેબ-સિરીઝ 'ગેમ્સ ઓફ કર્મા'માં જોવા મળશે. આ સિરિઝમાં તેની સાથે ટીવી શો 'મુસ્કાન' ફેઇમ એરિના ડે પણ છે. રાહિલ અને અરિના અગાઉ 'લાલ ઇશ્ક' માં સાથે કામ કરી ચુકયા છે. આ બંનેની જોડી મેકર્સને પસંદ પડી હતી. આથી હવે રાહિલ અને અરિના ફરી પાછાં સાથે આવી રહ્યાં છે. મહેતિક પ્રોડકશન્સ નિર્મિત અને પ્રવીણ હિંગોરિયા દિગ્દર્શિત વેબ-સિરીઝ ગેમ્સ ઓફ કર્મા જાણીતા ઓટીટી પ્લેટફોર્મ પર રજૂ થશે. જેમાં દરેક એપિસોડની વાર્તા જુદી-જુદી હશે. એમાંના એક એપિસોડમાં રાહિલ અને એરિના સાથે જોવા મળશે. એન્ડ ટીવી પર આવતા હારર-રોમાન્ટિક શો લાલ ઇશ્કની જેમ અહીં પણ મેકર્સ બંનેની લવ સ્ટોરી-કેમિસ્ટ્રી દર્શાવવાનો પ્રયત્નકરશે. અરિના અગાઉ બંગાળી ફિલ્મો કરી ચૂકી છે. રાહિલે હાતિમ ઉપરાંત એક ટુકડા ચાંદ કા, કહીં કિસી રોઝ અને ભાભી સહિતની સિરિયલ કરી છે.