Gujarati News

Gujarati News

News of Sunday, 22nd September 2019

ત્રીજી ટી-20માં દક્ષિણ આફ્રિકાનો 9 વિકેટે વિજય : સિરીઝ1-1થી ડ્રો : ડી કોકે 52 બોલમાં અણનમ 79 રન ફટકાર્યા

દક્ષિણ આફ્રિકાએ 16.5 ઓવરમાં 1 વિકેટ ગુમાવી 140 રન બનાવી લીધા

નવી દિલ્હી : ત્રીજી અને અંતિમ ટી-20માં બોલરોના શાનદાર પ્રદર્શન બાદ ક્વિન્ટોન ડી કોકના અણનમ 79 રનની મદદથી દક્ષિણ આફ્રિકાએ ભારત સામે  9 વિકેટે વિજય મેળવ્યો હતો. ભારતે પ્રથમ બેટિંગ કરતા 20 ઓવરમાં 9 વિકેટ ગુમાવી 134 રન બનાવ્યા હતા. જવાબમાં દક્ષિણ આફ્રિકાએ 16.5 ઓવરમાં 1 વિકેટ ગુમાવી 140 રન બનાવી લીધા હતા. આ જીત સાથે દક્ષિણ આફ્રિકાએ ત્રણ મેચની શ્રેણી 1-1થી ડ્રો કરાવી લીધી છે.
ડી કોકે 52 બોલમાં 6 ફોર અને 5 સિક્સર સાથે અણનમ 79 રન બનાવ્યા હતા. હેન્ડરિક્સે 28 અને બાવુમાએ 27 રન બનાવ્યા હતા.
આ પહેલા ભારતનો રોહિત શર્મા 9 રન બનાવી આઉટ થયો હતો. રોહિત પછી વિરાટ કોહલી પણ 9 રને આઉટ થયો હતો. પંતે ફરી એક વખત નિરાશ કરતા 20 રને વિકેટ ગુમાવી હતી. ધવને 25 બોલમાં 4 ફોર અને 2 સિક્સર સાથે 36 રન બનાવી બાજી સંભાળી હતી. ઐયર પણ 5 રને આઉટ થતા ભારતે 92 રનમાં 5 વિકેટ ગુમાવી દીધી હતી

દક્ષિણ આફ્રિકા સામેની ત્રીજી ટી-20માં ભારતીય કેપ્ટન વિરાટ કોહલીએ ટોસ જીતીને પ્રથમ બેટિંગ કરવાનો નિર્ણય કર્યો છે. ભારતીય ટીમમાં કોઈ ફેરફાર કરાયો નથી. બીજી તરફ દક્ષિણ આફ્રિકાની ટીમમાં હેન્ડરિક્સના સ્થાને એનરિક નોર્ત્જેને ટીમમાં સ્થાન મળ્યું છે.

(10:58 pm IST)
  • આજે રાત્રે નરેન્દ્રભાઈ સાથે ટ્રમ્પ 30 મિનિટ પ્રવચન આપશે : આજે રાત્રે સાડા આઠ આસ પાસ અમેરિકાના હ્યુસ્ટન ખાતે નરેન્દ્રભાઈ મોદીની હાઉડી સભામાં અમેરિકાના પ્રમુખ ડોનાલ્ડ ટ્રમ્પ 30 મિનિટનું ભારત વિશે પ્રવચન આપે તેવી પૂરી સંભાવના છે access_time 2:40 pm IST

  • અમદાવાદના કોબાથી વિસત તરફના રોડ પર પીધેલા કાર ચાલકે અનેકને લીધા અડફેટે : ચારથી પાંચ વાહનો સાથે અકસ્માત કર્યો : પોલીસે કર્યો પીછો: કારચાલકે ભાગવા કર્યો પ્રયાસ : મહિલા પીએસઆઇને પણ ટક્કર મારી : પોલીસે મહા મુસીબતે આખરે તેને પકડી પાડ્યો access_time 1:03 am IST

  • હાઉડી મોદીમાં વડાપ્રધાને કાશ્મીરનો કર્યો ઉલ્લેખ : કહ્યું -આર્ટિકલ 370ના કારણે જમ્મુ કાશ્મીર અને લદ્દાખના લોકોને વિકાસ અને સમાન અધિકારોથી વંચિત રાખ્યા હતા. જેનો ફાયદો આતંકવાદી અને અલગાવવાદી તાકાત ઉઠાવતી હતી access_time 1:04 am IST