Gujarati News

Gujarati News

News of Saturday, 17th November 2018

હોંગકોંગ ઓપનમાં શ્રીકાંતને મળી હાર

નવી દિલ્હી: ભારતના કિદામ્બી શ્રીકાંત અને સમીર વર્મા હોંગકોંગ ઓપન વર્લ્ડ ટૂર સુપર ૫૦૦ ટુર્નામેન્ટમાં મેન્સ સિંગલ્સની ક્વાર્ટર ફાઈનલમાં પોતપોતાની મેચ હારીને બહાર ફેંકાયા હતા. આ સાથે ટુર્નામેન્ટમાં ભારતના પડકારનો અંત આવી ગયો હતો. ચોથો સીડ ધરાવતો ભારતીય બેડમિંટન સ્ટાર શ્રીકાંત ક્વાર્ટર ફાઈનલમાં આઠમા સીડેડ જાપાનીઝ ખેલાડી કેન્ટો નિશિમોટો સામે ૧૭-૨૧, ૧૩-૨૧થી હારી ગયો હતો. નિશિમોટો સામેની ચોથી મેચમાં શ્રીકાંતને આ પહેલી વખત હારનો સામનો કરવો પડયો હતો. ભૂતપૂર્વ વર્લ્ડ નંબર વન ભારતીય ખેલાડી શ્રીકાંત ખાસ કમાલ દેખાડી શક્યો નહતો અને તેણે શરૃઆતની ગેમમાં માત્ર ૧૫ પોઈન્ટ સુધી જોરદાર સંઘર્ષ કર્યો હતો. આ પછી નિશિમોટોએ મેચ પર પકડ જમાવી લીધી હતી અને ભારતીય ખેલાડીએ ત્યારબાદ મેચમાં પાછા ફરવાનો ખાસ પ્રયાસ પણ કર્યો નહતો.ક્વાર્ટર ફાઈનલમાં પ્રવેશેલા ભારતના અન્ય એક ખેલાડી સમીર વર્માએ વધુ સારો દેખાવ કરતાં હોંગ કોંગના લી ચેક યીઉને ૧૫-૨૧,૨૧-૧૯,૧૧-૨૧થી હંફાવવાનો પ્રયાસ કર્યો હતો. સમીરે બીજી ગેમમાં નોંધપાત્ર દેખાવ કર્યો હતો પણ ત્રીજી અને નિર્ણાયક ગેમમાં તેનો દેખાવ સાધારણ રહ્યો હતો.

(5:30 pm IST)
  • સુરતના હજીરા થી ભાવનગરના ઘોઘા વચ્ચે 9 ડિસેમ્બરથી રો રો પેસેન્જર સર્વિસનો પ્રારંભ થશે:4 કલાકમાં ઘોઘા થી હજીરા પહોંચી શકાશે access_time 12:01 pm IST

  • ફિલ્‍મ ‘‘ કેદારનાથ'' લોકોને ભડકાવવા નહી સદભાવના માટેઃ નિર્દેશક અભિષેક કપુર : હું ભગવાન શિવનો ઉપાસક : લવ જેહાદનો આરોપ લગાવતાં બીજેપી નેતાની ‘‘કેદારનાથ'' ફિલ્‍મને સેન્‍સર કરવાની માંગ પર અભિષેક એ કહ્યું અમે એવી ફિલ્‍મ નથી બનાવી જેથી કોઇને પરેશાની થાય. access_time 12:15 pm IST

  • દ્વારકા:એસટી બસ પલ્ટી મારતા ડેપો મેનેજરની બદલી:બસના અકસ્માત બાદ તુરત જ બદલીથી ચકચાર: ખંભાળીયા ડેપો મેનેજરને બીલીમોરા ATS તરીકે ટ્રાન્સફર કરાઈ:તાત્કાલિક અસરથી ચાર્જ પણ મુકવાયો access_time 10:45 pm IST