Gujarati News

Gujarati News

News of Saturday, 16th June 2018

સટ્ટાબજારમાં વર્લ્ડ કપ જીતવા માટે બ્રાઝિલની ટીમને હોટફેવરિટ

નવી દિલ્હી: ફિફા ફૂટબોલ વર્લ્ડ કપ શરૃ થવા જઈ રહ્યો છે, ત્યારે સટ્ટાબજાર પણ તેના ફિવરમાંથી બાકાત નથી. આંતરરાષ્ટ્રીય સટ્ટાબજારમાં વર્લ્ડ કપ જીતવા માટે બ્રાઝિલની ટીમને હોટફેવરિટ માનવામાં આવે છે. બ્રિટનના ટોચના બુકમાર્કરના જણાવ્યા અનુસાર બ્રાઝિલ વર્લ્ડ કપમાં ચેમ્પિયન બને તેનો ભાવ ૪/૧ ચાલી રહ્યો છે. ફૂટબોલ વર્લ્ડ કપની મેચો પર કરોડોનો સટ્ટો ખેલાશે. બ્રાઝિલ પાંચ વખત ચેમ્પિયન બની ચૂક્યું છે. જોકે છેલ્લા બે વર્લ્ડ કપમાં તેમનો દેખાવ કંગાળ રહ્યો હતો. સટોડિયાઓના મતે જ્યારે બ્રાઝિલ બાદ વર્લ્ડ કપ જીતવાના પ્રબળ દાવેદાર તરીકે ડિફેન્ડિંગ ચેમ્પિયન જર્મની છે. જેનો ભાવ ૯/૨ ચાલી રહ્યો છે.  ત્રીજા સ્થાને ૧૯૯૮નું ચેમ્પિયન ફ્રાન્સ ચાલી રહ્યું છે, જેનો ભાવ ૧૧/૨ છે,જ્યારે પાંચમા ક્રમે ૨૦૧૦નું ચેમ્પિયન સ્પેન છે. જે હાલમાં કોચ પરિવર્તનને કારણે મુશ્કેલીમાં છે, છતાં સટ્ટાબજારને લાગે છે કે, તેઓ વર્લ્ડ કપ જીતી શકે છે અને આ કારણે તેમનો ભાવ ૬/૧ ચાલી રહ્યો છે. આ પછી આર્જેન્ટીના, બેલ્જીયમ, ઈંગ્લેન્ડ અને પોર્ટુગલને સ્થાન આપવામાં આવ્યું છે.

 

 

(4:43 pm IST)
  • રેસ-3 ફિલ્મે પહેલા જ દિવસે 29 કરોડની કમાણી કરી :બોક્સઓફિસ પર ધમાકેદાર ઓપનિંગ :પહેલા જ દિવસની કમાણી બાબતે રેકોર્ડ તોડ્યો :સૌથી મોટી ઓપનિંગ મેળવનારી ફીલ બની access_time 12:50 pm IST

  • કર્ણાટકમાં કોંગ્રેસ - જેડીએસ ગઠબંધનમાં 'એક સાંધો ત્યાં તેર તૂટે' જેવી સ્થિતિ : હવે રાજ્યના નવા બજેટને લઈને બન્ને પક્ષો થયા સામસામે : કોંગ્રેસ પુરક બજેટ લાવવા માટે આગ્રહ કરે છે જ્યારે જેડીએસ નવાજ બજેટની જરૂર હોવાની વાત પર અડી access_time 12:42 am IST

  • અમદાવાદના વિઠ્ઠલાપુર ગામે દલિત યુવાનને માર મારવાના પ્રકરણમાં બેની ધરપકડ : પીડિતને ૫૦ હજારની સહાય : માર મારતો વિડીયો સોશ્યલ મીડિયામાં વાયરલ કરનારની પણ તપાસ શરૂ access_time 5:54 pm IST