Gujarati News

ભાવનગરઃ કોરોના વાયરસની બીમારીને ફેલાતી અટકાવવા માટે ૨૧ દિવસનું લોકડાઉન ઉપરાંત ધી એપિડેમીક ડીસીઝ એકટ,કલમ ૧૪૪ અંતર્ગત જાહેરનામું અમલમાં હોવા છતાં લોકો આ જાહેરનામાનો ભંગ કરતા જોવા મળે છે.

ભાવનગર રેન્જના ભાવનગર જિલ્લામાં ૭૧ વ્યકિત,બોટાદ જિલ્લામાં ૭૨ વ્યકિત અને અમરેલી જિલ્લામાં ૯૨ વ્યકિત વિરૂદ્વ જાહેરનામાનો ભંગ કરવા બદલ આઈ.પી.સી.કલમ ૧૮૮ મુજબ ગુનો નોંધી કાયદેસરની કાર્યવાહી હાથ ધરવામાં આવી છે. હાલ કોરોના વાયરસને ફેલાતો અટકાવવા માટે અગત્યના કામ વગર દ્યરની બહાર ન નીકળવા તેમજ સંતાનોને સ્કૂટર,બાઈક કે કાર સહિતના વાહન લઈને બહાર ન નીકળવા દેવા રેન્જ ડી.આઈ.જી.અશોકકુમાર યાદવ દ્વારા અનુરોધ કરવામાં આવ્યો છે.