Gujarati News

Gujarati News

News of Thursday, 8th April 2021

સમાજ સમરસતાની એક અનોખી પહેલઃ સાવરકુંડલા-સનરાઇઝ સ્કુલમાં સફાઇ કર્મચારીનાં લગ્નની વધામણી

સાવર કુંડલા તા. ૮ :.. ભુતકાળમાં અનેક ગામડાઓમાં પછાત અને વંચીત સમાજમાં યોજાતા લગ્ન સમારોહમાં કોઇને કોઇને પ્રકારે જુની રૂઢિચુસ્ત માન્યતાઓને લઇને અનેક વિધ્નો ઉભા કરાતા આપણે અનુભવ્યા છે ત્યારે ખારા રણમાં મીઠી વીરડી સમાન એક કિસ્સો ધ્યાનમાં આવ્યો.

સાવરકુંડલા સનરાઇઝ સ્કુલમાં છેલ્લા ર૦ વર્ષથી, પોતાનાં પરિવારની જેમ ઉછરેલા અને નાનપણથી જ શાળામાં સાફ-સફાઇનું કામ કરતાં વાલ્મિકી સમાજમાં અત્યંત ગરીબ પરિવારમાં જન્મેલા, બિપીન રવજીભાઇ પરમાર જે તમામ વિદ્યાર્થીઓમાં પ્રેમથી 'માઇકલ' તરીકે ઓળખાય છે. તાજેતરમાં તેનાં લગ્ન નકકી થતા, સનરાઇઝ સ્કુલ સ્ટાફ તથા તમામ વિદ્યાર્થીઓએ સ્કુલમાં જ માઇકલને બાજોઠે બેસાડી, તેનાં શુભ લગ્નને વધાવ્યા હતાં. કોઇ શાળામાં, પોતાનાં સફાઇ કર્મચારીનાં લગ્નનાં વધામણા કરવામાં આવ્યા તેવો આ એકમાત્ર પ્રસંગ હશે. આ પ્રસંગે સંસ્થાનાં મેનેજીંગ ટ્રસ્ટી પ્રતાપભાઇ ખુમાણે જણાવ્યું હતું કે, માઇકલ એ અમારા પરિવારનો જ એક સભ્ય છે અને તેનાં લગ્નની જમણવાર સહિતની તમામ વ્યવસ્થા સંસ્થા તરફથી જ કરવામાં આવશે અને ધામધૂમથી લગ્નની ઉજવણી થશે. આ પ્રસંગે સંસ્થાના પ્રિન્સીપાલ સોનલબેન મશરૂએ કંકુ-ચોખા થી માઇકલને વધાવ્યો હતો.

(1:00 pm IST)
  • મહારાષ્ટ્રમાં કોરોના ગાંડોતૂર બનતા દેશમાં અત્યાર સુધીના રેકોર્ડબ્રેક નવા કેસ નોંધાયા : એક્ટિવ કેસનો આંકડો 9 લાખને પાર પહોંચ્યો :વધુ 684 દર્દીઓના મોત: રાત્રે 12 વાગ્યા સુધીમાં કોરોનાના નવા 1,26,265 કેસ નોંધાયા :કુલ કેસની સંખ્યા 1,29,26,061 થઇ :એક્ટિવ કેસ 9,05,021 થયા વધુ 59,132 દર્દીઓ સ્વસ્થ થતા કુલ 1,18,48,905 થયા :વધુ 684 લોકોના મોત સાથે કુલ મૃત્યુઆંક 1,66,892 થયા: દેશમાં સૌથી વધુ મહારાષ્ટ્રમાં નવા 59,907 નવા કેસ નોંધાયા access_time 12:51 am IST

  • મહારાષ્ટ્રના રાજકારણમાં ધડબડાતી : મુંબઇ એન્ટિલિયા કેસમાં રોજ નવા નવા ધડાકાઓ થઈ રહ્યા છે. મળતા અહેવાલો મુજબ સચિન વાજેએ કોર્ટમાં લેખિત નિવેદન આપીને નવો ખુલાસો કર્યો છે. તેણે આરોપ લગાવ્યો છે કે મહારાષ્ટ્રના પૂર્વ ગૃહ પ્રધાન અનિલ દેશમુખની સાથે પરિવહન પ્રધાન અનિલ પરબે પણ તેને ગેરકાયદેસર વસૂલાત માટે લક્ષ્યાંક આપ્યા હતા. access_time 11:29 pm IST

  • તાપી : ઉચ્છલ તાલુકા ભાજપ મહામંત્રી મોહનભાઇ ગામીતનું કોરોના સારવાર દરમ્યાન મોત : કોરોના રિપોર્ટ પોઝીટીવ આવ્યા બાદ બારડોલીની ખાનગી હોસ્પિટલમાં સારવાર અર્થે ખસેડાયા હતા access_time 5:01 pm IST