Gujarati News

Gujarati News

News of Wednesday, 7th April 2021

વાંકાનેરમાં બે દિ'માં કોરોનાથી ૫ના મોત

નગરપાલિકાના ૪ કર્મચારીઓના રિપોર્ટ પોઝિટિવ - સારવારમાં : સરકારી કોવિડ હોસ્પિટલ અને ખાનગી દવાખાનાઓમાં દર્દીઓની ભીડ

(મહમદ રાઠોડ દ્વારા) વાંકાનેર તા. ૭ : વાંકાનેરમાં કોરોના તેનું ભયાવહ સ્વરૂપ લઇ રહ્યો હોય તેમ છેલ્લા બે દિવસમાં ત્રણ પુરૂષો અને બે મહિલાઓ સાથે કુલ પાંચ વ્યકિતઓના મોત થયા છે.

જાણવા મળતી વિગત મુજબ ભાજપ કાર્યાલયના મંત્રી મનુભા રાણા તથા સ્કૂલના શિક્ષક શ્રી કાપડીયા, લોહાણા અગ્રણી નવિનચંદ્ર છોટાલાલ ગણાત્રા તથા ક્ષત્રિય સમાજના પ્રફુલાબા શકિતસિંહ જાડેજા અને ઇલોરા પાનવાળા મહેબૂબભાઇના ધર્મપત્ની હિત કુલ પાંચ વ્યકિતઓ કોરોનાથી મૃત્યુ પામ્યા છે.  આ દરમિયાન વાંકાનેર નગરપાલિકાના ૪ કર્મચારીઓના રિપોર્ટ પોઝિટિવ આવતા તમામને સારવાર માટે ખસેડેલ છે.

વાંકાનેરમાં છેલ્લા દસેક દિવસથી કોરોના લક્ષણો ધરાવતા દર્દીઓમાં ઉતરોત્તર વધારો જોવા મળી રહ્યો છે. અનેક હોસ્પિટલોમાં દર્દીઓની લાઇનો જોવા મળી રહી છે. જ્યારે સરકારી કોવિડ હોસ્પિટલમાં ડો. નીરવ સાથેની વાતચીતમાં હાલ ૧૩ કોરોના પોઝિટિવ દર્દીઓ દાખલ છે. જ્યારે કોરોના શંકાસ્પદ ૫૧ દર્દીઓ આરપીસીના રીપોર્ટ લેબ દ્વારા તપાસ હાર્થે મોકલાયા છે.

જ્યારે પ્રાઇવેટ હોસ્પિટલોમાં દર્દીઓની લાઇનો જોવા મળે છે. અનેક પ્રાઇવેટ હોસ્પિટલો કોરોનાના કારણે બંધ કરવામાં આવી છે અને ડોકટરો પણ સારવાર માટે હોસ્પિટલોમાં દાખલ થયાની વિગતો ચર્ચાઇ રહી છે. વાંકાનેરમાં છેલ્લા છએક દિવસથી કેટલાક વધુ દર્દીઓના મોત થયા છે પરંતુ તેઓનો કોઇ રીપોર્ટ હજુ સુધી બહાર આવ્યો નથી.

મોરબી જિલ્લા પંચાયત હસ્તકની (સરકારી) કોવિડ હોસ્પિટલમાં સુવિધાનો અભાવ જોવા મળી રહ્યો છે. વાંકાનેર નગરપાલિકા સફાઇ ગંદકી અને રોગચાળાને નાથવા વહીવટી અધિકારીની ગેરહાજરીએ ઉંધા માથે જોવા મળે છે. વાંકાનેર ગ્રામ્ય વિસ્તારોમાં પણ કોરોનાએ જબ્બર માથું ઉંચકયાના અહેવાલો મળી રહ્યા છે.

(10:59 am IST)
  • રાજકોટ જિલ્લામાં માતેલા સાંઢની જેમ ધુણતો કોરોના : આજે સાંજ સુધીમાં રાજકોટ શહેરમાં 395 અને ગ્રામ્યમાં 95 સાથે કુલ ઓલટાઈમ રેકર્ડબ્રેક 490 નવા કોરોના ના કેસ નોંધાયા : લોકો જબરદસ્ત ભયજનક સ્થિતિમાં મુકાયા access_time 8:10 pm IST

  • રાજસ્થાન બોર્ડરે વાહનોની લાંબી લાઈન : કોરોના RT-PCR ટેસ્ટના ચક્કરમાં બોર્ડર વિસ્તારમાં સંખ્યાબંધ વાહનો અટવાયા : દિલ્હી, હરિયાણા,ગુજરાત અને મધ્યપ્રદેશથી આવતા વાહનોનું સઘન ચેકીંગ : access_time 12:52 am IST

  • કર્ણાટક હાઇકોર્ટે ટેકસ ચોરીના સંબંધમાં દિગ્ગજ કોંગ્રેસી નેતા ડી.કે.શિવકુમાર વિરૂધ્ધ ઇન્કમટેકસ વિભાગ દ્વારા દાખલ ત્રણ ગુનાહિત કેસ રદ કર્યા : ન્યાયાધીશ જ્હોન મીશેલ કુન્હાએ જણાવ્યુ હતું કે શિવકુમાર વિરૂધ્ધ શરૂ કરેલી કાર્યવાહી કાયદા માટે ખરાબ છે અને ફોજદારી કાર્યવાહીની સંહિતા અને આવકવેરા અધિનિયમની જોગવાઇઓ વિરૂધ્ધ છે. access_time 12:37 pm IST