Gujarati News

Gujarati News

News of Monday, 15th October 2018

કાલાવડ પંથકના ખેડૂતોનો અનોખો વિરોધ :ખેરડી ગામે 10 ગામના ખેડૂતો ઉમટ્યા :ડેમમાં ગરબા રોષ ઠાલવ્યો

તાલુકાને અછતગ્રસ્ત જાહેર કરવા માંગ : ખેડૂતો દેવા માફ, દિવસના સમયે વીજળી, પીવાનું પાણી, પશુઓને ઘાસચારો આપો

જામનગર: કાલાવડના ખરેડી ગામે 10 ગામના ખેડૂતોએ એકઠા થઈને વિવિધ માંગો મુદ્દે આકરુ વિરોધ પ્રદર્શન યોજ્યુ છે. અને તેઓએ ગાંધીનગર સુધી રેલીની ચીમકી ઉચ્ચારી છે. 10 ગામના ખેડૂતો અને સરપંચોએ કાલાવડ ખાતે એકત્ર થયા હતા. અને ત્યાં ઢોલ નગરા, નનામી, પોસ્ટર, દેખાવો સાથે પ્રદર્શન યોજ્યુ છે. મોટી સંખ્યામાં ખેડૂતો, મહિલાઓ આ રેલીમાં જોડાઈ છે. તેઓએ દૂધ અને ડુંગળી સહિતના શાકભાજી ઠાલવીને વિરોધ દર્શાવ્યો છે.

10 ગામના ખેડૂતો ખેરડી ગામ ખાતે આવેલા ડેમમાં પહોંચ્યા હતા અને ત્યાં મહિલાઓએ ગરબે ઘુમી વિરોધ વ્યક્ત કર્યો હતો. 10 ગામના ખેડૂતો દેવા માફ, દિવસના સમયે વીજળી, પીવાનું પાણી, પશુઓને ઘાસચારો આપવાની કરવાની માંગ કરતા જોવા મળ્યા છે. તો સાથ જ કાલાવડને અછતગ્રસ્ત જાહેર કરવાની માંગ કરી છે.

 વિરોધ પ્રદર્શનમાં જોડાયેલા ખેડૂતોએ ખાલી માટલા દર્શાવી તેના પર પાણી નથીના પોસ્ટર મુકી વોરોધ વ્યક્ત કર્યો હતો. મોટી સંખ્યામાં વિરોધ પ્રદર્શનમાં જોડાયેલી બહેનોએ સરકારના છાજીયા લીધા હતા. તો સાથે જ નનામી કાઢીને સરકારને જગાડવાનો પ્રયાસ કર્યો હતો.

(12:08 pm IST)
  • કચ્છના નખત્રાણાના નેત્રા ગામે સોશ્યલ મીડિયામાં કોમેન્ટ મુદ્દે બે જૂથ વચ્ચે બઘડાટી :એક જૂથના લોકોએ અન્ય જૂથના યૂવકો પર હુમલો કરતા મામલો બીચક્યો: નેત્રા ગામે ચુસ્ત પોલિસ બંદોબસ્ત ગોઠવાયો:.હાલમાં બંન્ને સમાજના લોકો મોટી સંખ્યામાં નેત્રા ગામે સાંજે મારામારી થયા બાદ ફરી બન્ને જુથ્થના લોકો એકઠા થતા ભારેલા અગ્નિ જેવી સ્થિતી access_time 12:41 am IST

  • હરીયાણામાં બની રહેલ મસ્જીદમાં લશ્કર એ તૈયબા આતંકી સંસ્થાના પૈસાઃ નેશનલ ઇન્વેસ્ટીગેશન એજન્સીનો ધડાકો : ટેરર ફંડીગની તપાસમાં નવા નવા ફણગા ફુટતા જાય છેઃ મસ્જીદના ઇમામ સહિત ૩ની ધરપકડ access_time 3:35 pm IST

  • અમદાવાદના એલિસબ્રિજમાં ફાયનાન્સ કંપનીમાં લાખોની ચોરી કરી તસ્કરો ફરાર:રૂ 2.50 લાખની રોકડ અને વિદેશી ચલણી નોટોની ચોરી:અમેરિકા, બ્રિટન અને ઑસ્ટ્રેલિયા સહિત 12 દેશોના વિદેશી ચલણી નોટોની ચોરી:ફરિયાદી ફોરેન કરન્સી એક્સચેન્જનો ધધો કરે છે.:ઓફિસ ના ડ્રોઅરમાં મુકેલી ચલણી નોટોની ચોરી થતા નોંધાઈ ફરિયાદ:પોલીસે સીસીટીવી ફૂટેજ ના આધારે તપાસ શરૂ કરી access_time 1:06 am IST