Gujarati News

Gujarati News

News of Monday, 15th April 2019

જૂનાગઢમાં શોભાયાત્રા વખતે ઘોડો કુદાવતા શખ્સે પીઆઇ વાળાની ફરજમાં કરી રૂકાવટ

ઘોડો કુદાવવાની ના પાડતા ઉશ્કેરાઇ ગયો

(વિનુ જોશી દ્વારા) જૂનાગઢ તા.૧૫: જૂનાગઢમાં શોભાયાત્રા વખતે ઘોડો કુદાવતા શખ્સે પી.આઇ. વાળાની ફરજમાં રૂકાવટ ઉભી કરી હોવાનું બહાર આવેલ છે. આ અંગેની વિગતો એવી છે કે, જૂનાગઢમાં રવિવારે શ્રીરામ જન્મોત્સવ નિમિતે શોભાયાત્રા નિકળી હતી જેમાં દિવાળા ચોક ખાતે શોભાયાત્રામાં ઘોડા સાથે જોડાયેલ ગાંધીગ્રામના રાજુ રાડાએ ભયજનક રીતે ઘોડો કુદાવવાનું શરૂ કરેલ.

આથી શોભાયાત્રાની સાથે બંદોબસ્તમાં રહેલા એ ડીવીઝનના પી.આઇ. એમ.એ. વાળાએ રાજુને ઘોડો નહિ કુદાવવાનું કહેલ પરંતુ આ શખ્સે ઉશ્કેરાઇ જઇને ઉગ્ર બોલાચાલી કરી હતી અને પી.આઇ. વાળાની ફરજમાં  ખલેલ પાડયો હતો.

આ અંગે પો.ઇન્સ. શ્રી વાળાએ જાતે ફરિયાદી બની રાજુ રાડા વિરૂદ્ધ ધોરણસરની કાર્યવાહી કરી હતી.

(3:56 pm IST)
  • જથ્થાબંધ મોંઘવારી દરમાં વધારો : માર્ચમા ૩.૧૮ ટકા પહોંચ્યો :ચુંટણી સીઝનમાં સરકારને મોંઘવારીના મોર્ચા પર એકવાર ફરી ઝટકો લાગ્યો છેઃ જથ્થાબંધ મોંધવારીના આંકડામાં વધારો થયો છેઃ તે માર્ચમાં વધી ૩.૧૮ ટકા પહોંચ્યો જે ફેબ્રુઆરીમાં ૨.૯૩ ટકા પર હતોઃ જથ્થાબંધ મોંધવારી દરમાં વધારાનું કારણ ખાણી પીણીની વસ્તુઓ અને ફયુઅલની કિંમતોમાં તેજી છે. માર્ચમાં ખાણી-પીણીની વસ્તુની જથ્થાબંધ મોંઘવારી દરમાં વધારો થયો છે. access_time 3:55 pm IST

  • પોરબંદર : માછીમારોને દરિયો ન ખેડવા હવામાન વિભાગની સૂચના : આગામી 24 કલાક ઉત્તર અરબી સમુદ્રના વિસ્તારમાં ન જવાની સૂચના: દરિયામાં 40-50 કિમિની ઝડપે પવન ફૂંકાવાની સંભાવના access_time 1:45 pm IST

  • વૈષ્ણોદેવી યાત્રા માર્ગ પર શંકાસ્પદ હિલચાલની માહિતી બાદ સર્ચ ઓપરેશન: વૈષ્ણોદેવી યાત્રાની સાંઝી છત આસપાસનાં જંગલોમાં શંકાસ્પદ હિલચાલની માહિતી : પરંપરાગત યાત્રા માર્ગ બંધ કરાવીને સર્ચ ઓપરેશન ચલાવાયું access_time 1:13 am IST