Gujarati News

ભાવનગર ;મહુવા પોલીસ મથકના અપહરણના ગુન્હાના વોન્ટેડ આરોપી મુકેશ શિયાળને ભાવનગર આર આર સેલ દ્વારા પીંગળી ગામના બસ સ્ટેન્ડ પાસેથી ઝડપી લેવાયો છે   ભાવનગર રેન્જના પોલીસ નાયબ મહાનિરીક્ષક અશોક કુમારએ ભાવનગર રેન્જના જીલ્લાઓમાં ગુન્હો કર્યા બાદ જુદા-જુદા રાજય તથા જીલ્લાઓમાં આરોપી ભાગતા ફરતા હોય જે નાસતા ફરતા આરોપીઓને પકડી પાડવા માટે ખાસ ઝુંબેશ હાથ ધરેલ હોય જેના ભાગરૂપે રેન્જના જીલ્લામાં ડ્રાઇવ આપેલ હતી

  ભાવનગર રેન્જના પોલીસ સબ ઇન્સપેકટર ડી.ડી.પરમારના માર્ગદર્શન અને સુચનાથી આર.આર. સેલના સ્ટાફ ગ્રામ્ય વિસ્તારમાં પેટ્રોલીંગમાં હતા દરમ્યાન બાતમીરાહે આધારે મહુવા પો.સ્ટે. ફર્સ્ટ ગુ.ર.નં-૫૪/૨૦૧૯ ઇ.પી.કો. કલમ ૩૬૩, ૩૬૬, વિ. મુજબના ગુન્હાના કામે નાસતો ફરતો આરોપી મુકેશભાઇ બાલાભાઇ શીયાળ( ઉ.વ.:-૨૨) ( રહેવાસી- ટોકરીયા મહાદેવ, ખરેડ ગામ, તા.મહુવા જી.ભાવનગર ) ને  પીંગળી ગામના બસ સ્ટેન્ડ પાસેથી ઝડપી પાડી આરોપી વિરૂધ્ધ કાયદેસર કાર્યવાહી કરી તળાજા પોલીસ સ્ટેશન ખાતે સોંપી આપેલ છે.

  આ કામગીરીમાં આર.આર.સેલના પોલીસ સબ ઇન્સ્પેકટર ડી.ડી,.પરમારની સુચનાથી એ.એસ.આઇ. પ્રદીપસિંહ સરવૈયા તથા હેડ કોન્સ. બાબાભાઇ આહીર તથા પોલીસ કોન્સ. એઝાઝખાન પઠાણ વિગેરે જોડાયા હતા.