Gujarati News

 જુનાગઢ તા ૯ :  ગુજરાત પ્રદેશ કોંગ્રેસ સમિતીના પ્રમુખ અમીતભાઇ ચાવડાએ જુનાગઢ જિલ્લા પંચાયતની પેટા ચુંટણીમાં વડાલ સીટ-૩૦ ના ઉમેદવાર તરીકે પસંદ કરેલ અને જુનાગઢ  તાલુકા પંચાયતની  સુખપુર સીટની તેમજ વિસાવદર તાલુકા પંચાયતની મોણીયા સીટની પેટા ચુંટણીના સત્તાવાર ઉમેદવારો જાહેર કર્યા છે.

આ અંગે જિલ્લા કોંગ્રેસ પ્રમુખ નટુભાઇ પોઠીયા તથા મહામંત્રી બી.ટી. સીડાની યાદીમાં જણાવ્યા મુજબ પ્રદેશ કોંગ્રેસ અમીતભાઇ ચાવડાએ જુનાગઢ જીલ્લા પંચાયત વડાલ બેઠક પર સંદિપભાઇ  કડવાભાઇ દોમડીયા (ઉ.વ.૩૪) મુ. વડાલ, તા.જી.  જુનાગઢ, જુનાગઢ તાલુકા પંચાયત સુખપુર બેઠક પર વિજયભાઇ જેરામભાઇ ગજેરા (ઉ.વ.૪૫) મુ. ગોપાલગઢ, (નવુ બલીયાવડ) જી. જુનાગઢ તથા વિસાવદર તાલુકા પંચાયત મોણીયા સીટ પર જયાબેન કિશોરભાઇ ડોબરીયા (ઉ.વ.૪૬) મુ. લેરીયા, તા. વિસાવદર, જી. જુનાગઢ સહિતના ઉમેદવારોની જાહેરાત કરવામાં આવી છે.