Gujarati News

Gujarati News

News of Monday, 7th October 2019

જામવાડા રોડ પર રાત્રે એક સાથે ૧૩ સિંહો જોવા મળ્યાં

વિડિયો વાઈરલ થતાં સિંહ પ્રેમીમાં ખુશીનું મોજુ : જંગલોમાં મચ્છરોનો ઉપદ્રવ રહેતો હોવાથી સિંહો ખુલ્લા વિસ્તારોમાં રહેવાનું વધુ પસંદ કરે છે : નિષ્ણાતોનો મત

અમદાવાદ, તા.૭ : ગીર ગઢડાનાં જામવાડા રોડ પર ગતરાત્રે ૧૩ સિંહોનું ટોળું એક સાથે જોવા મળ્યું હતું. જેનો વીડિયો રસ્તા પરથી પસાર થતાં લોકોએ પોતાના કેમેરામાં કેદ કરી લીધો હતો. હાલ આ વીડિયો સોશિયલ મીડિયામાં ખુબ વાઈરલ થઈ રહ્યો છે. એક સાથે ૧૩ સિંહોને ટોળામાં જોઇને સિંહ પ્રેમીઓ અને વન્ય પ્રેમીઓમાં ભારે ખુશીની લાગણી પણ છવાઇ છે. અમરેલી, ગીર સહિતના પંથકોમાં અવારનવાર સિંહો તેમના પરિવાર સાથે કે ટોળામાં અવારનવાર જોવા મળતા હોય છે.

તાજેતરમાં જ એકસાથે ૧૮ સિંહોના ટોળા આ જ પ્રકારે અમરેલી પંથકમાં જોવા મળ્યા હતા. ત્યારબાદ હવે ગીરગઢડાના જામવાડા રોડ પર ગઇ મોડી રાત્રે ૧૩ સિંહો એકસાથે લટાર મારવા નીકળી પડયા હતા. સિંહોની આંખો અંધારામાં લાઇટની જેમ ઝગારા મારતી હતી. ૧૩ સિંહોના ટોળાને કોઇએ કેમેરામાં કંડારી લીધુ હતુ અને તેનો વીડિયો સોશ્યલ મીડિયામાં વાઇરલ કર્યો હતો. જેને લોકોએ ખૂબ જ લાઇક કરી વધુમાં વધુ શેર કર્યો હતો. બીજીબાજુ, એકસાથે ૧૩ સિંહોના ટોળાને જોઇને સિંહ પ્રેમીઓ અને વન્ય પ્રેમીઓમાં પણ ખુશીની લાગણી પ્રસરી હતી. ઉલ્લેખનીય છે કે, ચોમાસાની ઋતુ દરમિયાન જંગલવિસ્તારોમાં મચ્છરોનો ઉપદ્રવ વધુ રહેતો હોવાથી સિંહોખુલ્લા વિસ્તારમાં રહેવાનું વધારે પસંદ કરતાં હોય છે. કેટલીક વાર પાણી કે શિકારની શોધમાં ભૂખ્યા સિંહ શહેરી કે ગ્રામ્ય વસ્તી સુધી પણ પહોંચી જતા હોય છે.

(8:46 pm IST)
  • કાલે મધ્યરાત્રીથી આકાશમાં ડેક્રોનીકસ ઉલ્કા વરસશેઃ ચાર દિવસ સુધી નજારો નિહાળી શકાશે : રાત્રે ૧ થી પરોઢીયા સુધી રોમાંચકતા માણવાનો શ્રેષ્ઠ સમય : ફટકાડાની આતશબાજી જેવી આતશબાજી જામશે : ભારત જન વિજ્ઞાન જાથા દ્વારા અમદાવાદ રાજકોટ સહીત ૧૬ શાખાઓ પર ઉલ્કા નિહાળવા ખાસ વ્યવસ્થા : રસ ધરાવતા જીજ્ઞાષુઓએ અવકાશી ખગોળીય ઘટના અચુક નિહાળવા જાથાના રાજય ચેરમેન એડવોકેટ જયંત પંડયા (મો.૯૮૨૫૨ ૧૬૬૮૯) નો અનુરોધ access_time 11:25 am IST

  • મહારાષ્ટ્ર ચૂંટણી પ્રચારમાં ગરમાવો : કોંગ્રેસ અને NCPનો સંયુક્ત ચૂંટણી ઢંઢેરો જાહેર : અમે સત્તા ઉપર આવશું તો મહારાષ્ટ્રના ઉદ્યોગોમાં સ્થાનિક નાગરિકો માટે 80 ટકા અનામત : ખેડૂતોને દેવામાફી ,બેરોજગારોને 5 હજાર રૂપિયા બેકારી ભથ્થું : તમામ માટે વિનામૂલ્યે વીમો : ગ્રેજ્યુએટ સુધીનો અભ્યાસક્રમ મફત access_time 8:25 pm IST

  • ડોનાલ્ડ ટ્રમ્પની તુર્કીને ખુલી ધમકી : કહ્યું સીરિયામાં હદ બહાર ગયા તો બરબાદ કરી નાખીશ : અમેરિકી રાષ્ટ્રપતિ ડોનાલ્ડ ટ્રમ્પએ સીરિયાથી લાગેલી તુર્કીની સીમાથી અમેરિકાના સૈનિકો હટાવાના નિર્ણંયને યોગ્ય ઠેરવતા કહ્યું કે ક્ષેત્રને સ્થિતિથી ખુદે નિપટવું જોઈએ : ટ્રમ્પએ એમ પણ કહ્યું કે જો સીરિયામાં તુર્કી હદ બહાર જાય તો તેની અર્થવ્યવસ્થાને બરબાદ કરી નાખશે access_time 1:11 am IST