Gujarati News

Gujarati News

News of Monday, 7th October 2019

અમરેલીમાં ગાંધી જયંતી નિમિતે સ્વચ્છતા પ્લાસ્ટીક જનજાગૃતિ ઝુંબેશ યોજાઇ

અમરેલી : વસંતભાઇ ગજેરા સ્થાપીત શ્રીમતી શાંતાબેન હરિભાઇ ગજેરા ચેરી. ટ્રસ્ટ સુરત સંચાલીત શાંતાબા મેડીકલ કોલેજ એન્ડ સિવિલ જનરલ હોસ્પિ. અમરેલી દ્વારા રાષ્ટ્રપિતા મહાત્મા ગાંધીની ૧૫૦ મી જન્મજયંતી ઉજવણી પ્રસંગે મેડીકલ કોલેજ અને સિવિલ હોસ્પિટલના સ્ટાફ મેમ્બર્સ દ્વારા સમગ્ર સિવિલ હોસ્પિટલ કેમ્પસ પરિસરમાં જાતે સફાઇ કરીને સ્વચ્છ ભારત સ્વસ્થ ભારતના સપનાને સાકાર કરવા સ્વચ્છતા અભિયાન હાથ ધરીને સમગ્ર જિલ્લાને ઉતમ પ્રેરણા પુરી પાડી હતી. વસંતભાઇ ગજેરાએ જણાવ્યુ હતુ કે, દરેક નાગરીક સ્વયંશિસ્તથી કચરો જયા ત્યા ન ફેકવાની ટેવ કેળવાય તથા પ્લાસ્ટીકનો ઉપયોગ બંધ થાય તે જ આપણે સૌ સ્વચ્છ ભારત સ્વસ્થ ભારતના સ્વપ્નને સાકાર કરી શકીશુ. સિવિલ હોસ્પિટલ સમગ્ર સ્ટાફ દ્વારા આયોજીત સફાઇ અભિયાનમાં સિવિલ સર્જન ડો.રાઠોડ, ડો.કાપડીયા, ડો.મહેશભાઇ વાટલીયા, ડો.સતાણી સ્થાનિક સંચાલક પીન્ટુભાઇ ધાનાણી, શાંતાબા મેડીકલ એન્ડ સિવિલ જનરલ હોસ્પિટલના નિષ્ણાંત તબીબો, પ્રાધ્યાપકશ્રીઓ, ટેકનીશ્યન નર્સીસ, વિ.એ સમગ્ર કેમ્પસમાં સફાઇ અભિયાન હાથ ધરીને સ્વચ્છતા જાળવવાના સામુહીક સંકલ્પો લીધા હતા. (તસ્વીર : અરવિંદ નિર્મળ, અમરેલી)

(12:05 pm IST)
  • તેલંગણા સરકારનું અભૂતપૂર્વ કડક પગલું : હડતાલ ઉપર ઉતરેલા રોડ ટ્રાન્સપોર્ટના 48 હજાર કર્મચારીઓ સસ્પેન્ડ : 12 હજાર કરોડની ખોટ અને 5 હજાર કરોડનું દેવું ધરાવતા ટ્રાન્સપોર્ટ કોર્પોરેશનના કર્મચારીઓની માંગણીઓ સ્વીકારી શકાય નહીં : મુખ્યમંત્રી ચંદ્રશેખર રાવની ઘોષણાં access_time 12:51 pm IST

  • ડ્રગ્સ કેસમાં પૂર્વ ધારાસભ્ય ભાવસિંહ રાઠોડના પુત્ર દોષિતઃ ૧૦ વર્ષની સજા : પાટણઃ જિલ્લાના સમી હારીજના પૂર્વ ધારાસભ્ય ભાવસિંહ રાઠોડના પુત્ર કિશોરસિંહ રાઠોડની કરોડો રૂપિયાના ડ્રગ્સ કેસમાં એટીએસએ ધરપકડ કરી હતીઃ ત્યારબાદ આ પ્રકરણમાં કોર્ટે કિશોરસિંહ રાઠોડને દોષિત જાહેર કર્યા છે અને ૧૦ વર્ષની સજા ફટકારી છે access_time 4:22 pm IST

  • હેગીબસ વાવાઝોડુ મજબૂત બન્યુ : આવતા અઠવાડીયે જાપાન ઉપર ત્રાટકવાનો ભયઃ આજે રાત્રે મેરીઆના ટાપુઓ ઉપર ત્રાટકશેઃ 'હેગીબસ' મજબૂત બની ટાયકૂન વાવાઝોડામાં ફેરવાયુ છે અને આજે રાત્રે મેરીઆના ટાપુઓ ઉપરથી પસાર થશે અને આવતા અઠવાડીયે જાપાન ઉપર ત્રાટકવાનો ભય હોવાનું વિદેશના જાણીતા ખાનગી વેધર એનાલીસ્ટ જણાવે છે access_time 11:25 am IST