Gujarati News

Gujarati News

News of Monday, 7th October 2019

ભુજની સરકારી હોસ્પિટલમાં ૧૫ વર્ષની સગીરા માતા બનીઃ બાળ વિવાહનો કિસ્સો!!

ભુજ તા.૦૭:   ભુજની અદાણી જીકે જનરલ હોસ્પિટલમાં ખેત મજૂર પરિવારની સગીરા પ્રસુતિ માટે દાખલ થઈ હતી. જેની સિઝીરિયન કરીને પ્રસુતિ કરાતાં તેણે ગત ૧/૧૦ ના બાળકને જન્મ આપ્યો હતો.

જોકે, નવજાત શિશુ એનઆઇસીયુમાં હજી સારવાર હેઠળ છે. દરમ્યાન તબીબોને એ ધ્યાને આવ્યું હતું કે, આ પ્રસૂતા માતાની વય ૧૫ વર્ષ અને ૪ મહિનાની છે અને તે સગીર છે. એટલે દાખલ થયેલ આ સગીરા અંગે તેણી પદમપર (માંડવી) ગામેથી પ્રસુતિ માટે દાખલ થઈ હોવાનું અને મૂળ તે આશોદ(વાઘોડિયા, વડોદરા)ની હોવાનું તેમ જ તેને તેના પતિ વિક્રમ અરવિંદ નાયક દ્વારા હોસ્પિટલમાં દાખલ કરાઇ હોવાનું પોલીસને જણાવીને એમએલસી કરાઈ છે.

હોસ્પિટલ પોલીસ ચોકીની ફરિયાદને આધારે ભુજ બી ડિવિઝન પોલીસે વધુ તપાસ હાથ ધરી છે. દરમ્યાન આ કિસ્સો બાળ વિવાહનો હોવાનું પ્રાથમિક તારણ છે. આદિવાસી સમાજમાં હજીયે બાળ વિવાહ થઈ રહ્યા છે. આ પતિ પત્ની માંડવી તાલુકાના પદમપર ગામે ખીમજીભાઈ લીંબાણીની વાડીએ કામ કરે છે.

(11:47 am IST)
  • તેલંગણા સરકારનું અભૂતપૂર્વ કડક પગલું : હડતાલ ઉપર ઉતરેલા રોડ ટ્રાન્સપોર્ટના 48 હજાર કર્મચારીઓ સસ્પેન્ડ : 12 હજાર કરોડની ખોટ અને 5 હજાર કરોડનું દેવું ધરાવતા ટ્રાન્સપોર્ટ કોર્પોરેશનના કર્મચારીઓની માંગણીઓ સ્વીકારી શકાય નહીં : મુખ્યમંત્રી ચંદ્રશેખર રાવની ઘોષણાં access_time 12:51 pm IST

  • ડ્રગ્સ કેસમાં પૂર્વ ધારાસભ્ય ભાવસિંહ રાઠોડના પુત્ર દોષિતઃ ૧૦ વર્ષની સજા : પાટણઃ જિલ્લાના સમી હારીજના પૂર્વ ધારાસભ્ય ભાવસિંહ રાઠોડના પુત્ર કિશોરસિંહ રાઠોડની કરોડો રૂપિયાના ડ્રગ્સ કેસમાં એટીએસએ ધરપકડ કરી હતીઃ ત્યારબાદ આ પ્રકરણમાં કોર્ટે કિશોરસિંહ રાઠોડને દોષિત જાહેર કર્યા છે અને ૧૦ વર્ષની સજા ફટકારી છે access_time 4:22 pm IST

  • લખનૌ-આગ્રા એક્સપ્રેસ -વે પર ઉભેલી ટ્રક પાછળ કાર ટકરાતા ભાજપના ધારાસભ્યના ભાઈ-બહેન અને બે ભાણેજના કરૂણમોત : એક ગંભીર: ઉન્નાવ જિલ્લાના હ્સનગંજ ક્ષેત્રમાં ગમખ્વાર અકસ્માત માં ગોઉંડા જિલ્લાના મેહનોં વિધાનસભા ક્ષેત્રના ભાજપના ધારાસભ્ય વિનય દ્વિવેદીના પિતરાઈ ભાઈ બહેન અને બે ભાણેજોના કરૂણમોત access_time 1:04 am IST