Gujarati News

Gujarati News

News of Thursday, 3rd December 2020

મોરબીમાં એક જ દિ'માં બે જગ્યાએ માથાકૂટઃ બે શખ્સોને ઝડપ્યા

મોરબી, તા.૩: મોરબીમાં શુક્રવારે રાત્રે લાતીપ્લોટ વિસ્તારમાં ખાનગી બસના ચાલક તેમજ તેના મિત્ર પર છરીથી હુમલો કરવા તેમજ શનાળા રોડ પર માર્કેટિંગયાર્ડના ખુણા પાસે આવેલા જય ગાંઠિયા રથ નામની રેકડીમાં જઇ છરીથી હુમલો કરનાર ત્રણ શખ્સ પૈકી બે આરોપીને પોલીસે ઝડપી લીધા હતા અને બન્નેના કોરોના ટેસ્ટ કરાવ્યાં હતા.

બનાવની મળતી વિગત મુજબ ગત તારીખ ૨૭ ના રાત્રીના સમયે મોરબીના લાતી પ્લોટમાં વિસ્તાર આવેલ ખોડિયાર ટ્રાવેલ્સના ચાલક રમેશભાઈ સેખાણી અને તેના મિત્ર પિન્ટુભાઈ પર સાગર નવદ્યણ મૂંધવા,કુલદીપ સરદારજી અને અન્ય એક શખ્સ સહિત ત્રણ આરોપીઓ એ છરીવડે હુમલો કર્યો હતો આ દ્યટના બાદ ફરી આરોપીઓ માર્કેટીંગ યાર્ડ પાસે જય ગાંઠિયાં લારીના માલિક સંજયભાઈ સોમૈયા પર પણ છરીવડે હુમલો કરી ગંભીર ઇજા પહોંચાડી હતી આ બનાવમાં પોલીસે સાગર નવઘણ મૂંધવા અને કુલદીપને સરદારજી ને ઝડપી લીધા હતા અને કાયદેસર કાર્યવાહી હાથ ધરી હતી.

(11:21 am IST)
  • કૃષિ બિલના વિરોધ વચ્ચે શિવરાજ સરકાર મહેરબાન : મધ્ય પ્રદેશના કિશાન કલ્યાણ યોજનાના લાભાર્થી ખેડૂતોના ખાતામાં બે બે હજાર રૂપિયા જમા થશે access_time 5:58 pm IST

  • રાજસ્થાનની રાજધાની જયપુરમાં રામબાગ પેલેસના અધિપતિ અને દૌસાના પૂર્વ સાંસદ મહારાજ પૃથ્વીરાજનું બુધવારે મોડી સાંજે કોરોનાને કારણે અવસાન થતાં ઘેરા શોકની લાગણી પ્રસરી ગઇ છે. રાજસ્થાનમાં પર્યટનના વિકાસ માટે તેમનું મોટું યોગદાન હતું. access_time 12:23 am IST

  • હરિયાણા પૂર્વ મુખ્યમંત્રી ઓ પી ચૌટાલા ને કોરોના પોઝિટિવ આવતા તેમને દિલ્હી-ગુડગાવની મેંદાંતા હોસ્પિટલમાં દાખલ કરવામાં આવ્યા છે access_time 12:04 am IST