Gujarati News

Gujarati News

News of Thursday, 31st May 2018

સુથાર યુવાનની હત્યાના ૪ આરોપી ૪ દિવસ રિમાન્ડ પરઃ ડીસીપીએ કરી આગવી 'સરભરા'

પોલીસ કમિશ્નર કચેરીએ ચારેય ભાંભરડા નાંખી ગયા

રાજકોટઃ મોરબી રોડ જમુના પાર્કના ૨૦ વર્ષના સુથાર યુવાન કિશન ધીરૂભાઇ જાદવાણીની છરીનો છુટો ઘા ઝીંકી હત્યા કરવાના ગુનામાં ચાર આરોપીઓ  ધર્મેશ ઉર્ફ ધમો બાબુભાઇ ભાલુ (સગર) (ઉ.૩૦-રહે. જીવનધારા સોસાયટી-૨ મોરબી રોડ), રાકેશ ઉર્ફ લાલો સુરેશભાઇ ગોહેલ (સગર) (ઉ.૨૮-રહે. મોરબી રોડ મહાશકિત પાર્ક), ધર્મેશ ઉર્ફ ધમો દેવાભાઇ ખીંટ (ભરવાડ) (ઉ.૨૬-રહે. રોહીદાસપરા-૧૨) અને રવિ લલીતભાઇ પરમાર (ઉ.૨૭-રહે. મોરબી રોડ શ્રી પાર્ક સોસાયટી)ને બી-ડિવીઝન પોલીસે દબોચી લીધા બાદ કોર્ટમાં રજૂ કરતાં ચાર દિવસના રિમાન્ડ મંજુર થયા છે. આજે પોલીસ કમિશ્નર કચેરી ખાતે આ ચારેયને લાવવામાં આવ્યા હતાં અને ડીસીપીશ્રીએ આગવી ઢબે પુછતાછ કરતાં ચારેય ભાંભરડા નાંખી ગયા હતાં. ધર્મેશ ઉર્ફ ધમો ભરવાડ અને રવિ પરમારની ઓળખ પરેડ કરવામાં આવી હતી. જેમાં બંનેને ઓળખી બતાવાયા હતાં. પી.આઇ. આર. એસ. ઠાકર, જે. પી. મેવાડા, જગેન્દ્રસિંહ, સી. જે. જાડેજા સહિતનો સ્ટાફ વધુ તપાસ કરે છે.

(4:24 pm IST)
  • પાટણમાં દુષ્કર્મ પીડિત સગીરાનું અપહરણ : શાંતલપુરના ગોખાંતર ગામના બે શખ્સોએ કર્યુ અપહરણ access_time 5:34 pm IST

  • રેરાના નવા નિયમો ૧લી જૂનથી અમલી : દરેક બિલ્ડરે રેરામાં રજીસ્ટ્રેશન કરાવવુ ફરજીયાત : નોંધણી કરાવ્યા વગર અખબારોમાં જાહેરાત નહિં આપી શકાય : ચેરમેન મંજુલા સુબ્રમણ્યમનો આદેશ access_time 5:34 pm IST

  • યુપીના ગોરખપુર સહીત શહેરોમાં ભારે વરસાદ-તોફાનની શકયતા : એલર્ટ જાહેર : ઉત્તર પ્રદેશના કેટલાક શહેરોમાં હવામાન વિભાગે ભારે તોફાનની આશંકા વ્યક્ત કરી છે હવામાન વિભાગ મુજબ આગામી ત્રણ કલાકમાં ઉત્તર પ્રદેશના ગોરાખપુર, સંતકબીરનગર બલિયા, દેવરિયા, કુશીનગર અને મહારાજગંજમાં ભારે વરસાદ અને તોફાની પવન ફેંકશે હવામાન વિભાગે લોકોને સાવચેતી રાખવા અપીલ કરી છે access_time 10:49 am IST