Gujarati News

Gujarati News

News of Monday, 27th July 2020

સંપૂર્ણ તંદુરસ્ત હોય અને કોરોનાં થયા પછી મૃત્યુ થયુ તેવા અત્યાર સુધીમાં માત્ર ૯ જ મોત : ઉદિત અગ્રવાલ

કોરાનાનાં ડેથ ઓડીટ મુજબ મૃત્યુ દર નીચો હોવાનું જણાવતુ તંત્ર : અન્ય બિમારીને કારણે હોસ્પીટલમાં દાખલ થયા હોય ને કોરોનાં પોઝીટીવ આવ્યો હોય તેવા ર૪ મોત થયા છેઃ સરકારે નકકી કરેલી કમીટીનાં રિપોર્ટ મુજબ રાજકોટમાં ડેથ રેસીયો નહીવત છેઃ છતાં કોરાનાં થવાનાં કારણે રોજ પ થી ૧૦ અકાળે મોતને ભેટે છે, તે વાસ્તવિકતા છે

રાજકોટ તા. ર૭ :.. કોરોનાથી અકાળે અનેક લોકો દરરોજ મોતને ભેટી રહ્યા છે. આથી રાજકોટ શહેરનો મૃત્યુ દર ઉંચો હોવાનું જાહેર થઇ રહયુ છે. પરંતુ હકિકતે સરકારની કમીટીનાં ડેથ ઓડીટ મુજબ રાજકોટમાં અત્યાર સુધીમાં માત્ર ૯ એવા વ્યકિતઓ જ છે કે જેઓ સંપૂર્ણ તંદુરસ્ત હોય અને કોરોના થયા બાાદ મૃત્યુ પામ્યા છે. બાકીનાં લોકો અન્ય ગંભીર બિમારીને કારણે હોસ્પીટલમાં દાખલ થયા હોય અને પછી તેમને કોરોનાં પોઝીટીવ આવ્યો હોય અને મોત થયુ હોય તેવા છે.

આ અંગે મ્યુ. કમિશનરશ્રી અગ્રવાલે સ્પષ્ટ કર્યુ હતું કે કોરોનાનાં કારણે દાખલ થયા બાદ જે વ્યકિતનાં મૃત્યુ થયા છે. તેવા  અત્યાર સુધીમાં માત્ર ૯ ના મોત છે. આ સંખ્યા સરકારની પી.ડી.યુ. કમીટીએ ઉંડી તપાસ કર્યા બાદ સત્તાવાર રીતે કોરોનાનાં મૃત્યુ આંકમાં ઉમેરાયો છે.

જયારે ર૪ મૃત્યુ એવા થયા છે કે જે લોકો, બ્લડપ્રેસર, કીડની, હૃદયરોગ, કેન્સર વગેરે જેવા રોગની સારવાર માટે દાખલ થયા હોય અને પછી તેઓને કોરોનાં પોઝીટીવ રીપોર્ટ જાહેર થયો હોય અને પછી આવી બિમારીનાં કારણે તેઓનાં મૃત્યુ થયા હોય.

આમ સરકારનાં ચોપડે સત્તાવાર રીતે રાજકોટમાં ડેથ રેશિયો એટલે કે મૃત્યુ દર નહીવત છે.

જો કે અત્રે એ નોંધનીય છે કે સીવીલ હોસ્પીટલનાં કોવિડ વોર્ડમાં હાલમાં દરરોજ પ થી ૧૦ મોત નોંધાઇ રહ્યા છે. છતાં સરકારી ચોપડે એવા લોકોનાં મોતની કોરોનામાં ગણતરી નથી થતી કે જેઓને હૃદય રોગ, ડાયાબીટીશ, કીડની, કેન્સર વગેરે જેવી બિમારી હોય છે. પરંતુ એ વાસ્તવિકતા છે કે કોરોનાં થયા બાદ જ ડાયાબીટીશ, બ્લડ પ્રેસર, હૃદયરોગ વગેરેનાં દર્દીઓ પર મોતનું જોખમ છે.

(3:47 pm IST)
  • દીવમાં ત્રણ વર્ષની બાળકી સહીત આજે કોરોનાના નવા 8 કેસ નોંધાયા: દીવ જીલ્લામાં 34 એક્ટિવ કેસ access_time 8:41 pm IST

  • દેવભૂમિ દ્વારકા જિલ્લામાં કોરોનાના વધુ છ કેસ પોઝીટીવ : દ્વારકા અને ભાણવડમાં ત્રણ-ત્રણ કેસ નોંધાયા : કુલ કેસની સંખ્યા 55 થઇ: આજે એક જ દિવસમાં છ માછીમારો સહીત 11 લોકોનો રિપોર્ટ પોઝિટિવ :લોકોમાં ભારે ફફડાટ : સાંજે ભાણવડના સઈ દેવરિયાની 9 વર્ષની બાળકી ,યુવતી અને વૃદ્ધાને કોરોના વળગ્યો : દ્વારકાના ઓખા અને ઓખાના આરંભડા ગામમાં ત્રણ પુરુષનો રિપોર્ટ પોઝિટિવ : બહારથી માછીમારી કરવા આવતા લોકોને ક્વોરેન્ટાઇન access_time 9:59 pm IST

  • ફ્રાન્સમાં કોરોના ટેસ્ટ ફ્રીમાં થશેઃ ફ્રાન્સના સ્વાસ્થ્ય મંત્રીનું એલાન : ફ્રાન્સના સ્વાસ્થ્યમંત્રીએ કહ્યું કે જેને લક્ષણ નથી તેમના ટેસ્ટ પણ ફ્રીમાં થશે : ડોકટરના પ્રિસ્ક્રીપ્શનની જરૂર નહિં પડે : જે લોકોએ ટેસ્ટના પૈસા આપ્યા હશે તેને રીફન્ડ આપી દેવાશે access_time 2:41 pm IST