Gujarati News

Gujarati News

News of Wednesday, 7th April 2021

કોરોના કેસ વધતા લોકડાઉન-કર્ફયુની જાહેરાત થવાની ચિંતામાં રાજકોટની પાન-બીડીના હોલસેલની દુકાનોમાં ગ્રાહકોની લાંબી લાઇનો લાગી

અમદાવાદઃ ગઈકાલે મુખ્યમંત્રી વિજય રૂપાણીએ રાજ્યના 20 શહેરમાં રાત્રી કર્ફ્યુની જાહેરાત કરી હતી. આ રાત્રી કર્ફ્યુ રાત્રીના 8 કલાકથી સવારે 6 કલાક સુધી લાગુ રહેશે. જોકે કર્ફ્યુની જાહેરાત પહેલા સમગ્ર રાજ્યમાં લોકડાઉન લાગવાની અફવા ફેલાઈ હતી અને તેના પગલે રાજ્યના અનેક શહેરોમાં અફરાતફરીનો માહોલ જોવા મળ્યો હતો. લોકોના એવો ફફડાટ હતો કે રાજકોટમાં તો વ્યવસનીઓએ પાન બીડીની હોલસેલની દુકાનો બહાર લાંબી લાઈનો લગાવી દીધી હતી.

નોંધનીય છે કે, આ પહેલા ગઈકાલે ગુજરાત હાઈકોર્ટ ગુજરાત સરકારને ટકોર કરી હતી કે રાજ્યમાં બે ત્રણ દિવસનું લોકડાઉન અથવા કર્ફ્યુની જરૂરત છે. રાજ્યમાં કોરોનાના વધતા કેસને ધ્યાનમાં લઈને ગુજરાત હાઈકોર્ટે સરકારને આ ટકોર કરી હતી. ત્યાર બાદથી જ સમગ્ર રાજ્યમાં લોકાડઉન લાગુ થવાની અફવા ફેલાઈ હતી અને લોકો કરિયાણુ, શાકભાજી લેવા દોડાદોડી કરી રહ્યા હતા. જોકે આ લોકડાઉનની અફવામાં વ્યસનીઓ પણ પાન બીડી લેવા લાઈનોમાં ઉભી ગયા ગતા. ગત લોકડાઉનનાં વ્યસનીઓને પડેલી મુશ્કેલીને જોતાં આગામી સમયમાં જો લોકડાઉન જાહેર કરવામાં આવે તો અત્યારથી જ વ્યસનનો સ્ટોક કરી લેવા માટે બંધાણીઓએ પડાપડી કરી દીધી હતી.

રાજકોટ જિલ્લાના ધોરાજી સ્ટેશનના રોડ પર આવેલા પાન-બીડીની હોલસેલ દુકાનો બહાર લોકોએ લાંબી લાઈનો લગાવી દીધી હતી. રાજ્યમાં લોકડાઉન લાગશે તેવી ધારણાએ બંધાણીઓ પાન અને બીડી સહિતની વસ્તુઓ લેવા માટે દોટ મૂકી હતી. જેને કારણે પાન અને બીડીની દુકાનો બહાર લાંબી લાંબી લાઈનો જોવા મળી હતી.

એટલું જ નહીં રાજકોટમાં મોલની બહાર પણ જીવનજરૂરિયાતની વસ્તુઓ લેવા માટે લોકોએ પડાપડી કરી મૂકી હતી. રાજકોટ, અમદાવાદ, સુરત અને વડોદરા જેવા શહેરોમાં લોકોએ મોલ અને પાન મસાલા બીડી માટે રીતસરની લાઈનો લગાવી દીધી હતી. જેને કારણે અફરાતફરીનો માહોલ જોવા મળી રહ્યો છે. જોકે ગુજરાત સરકારે માત્ર કર્ફ્યુની જાહેરાત કરી અને લોકડાઉન ન લગાવતા લોકોને થોડી રાહત થઈ હતી.

(5:25 pm IST)
  • મનપાના આરોગ્ય કેન્દ્રમાં સીનીયર કલાર્ક અને જુનિયર કલાર્ક તેમજ કોમ્યુટર ઓપરેટરોને ફરજ સુપ્રત કરાઈ : ૨૬૭ કર્મચારીઓના હુકમો : આરોગ્યના કર્મચારીઓ કોરોનાની ઝપટે ચડતા સ્ટાફની ભારે અછત સર્જાઈ છે ત્યારે મ્યુ. કમિશ્નરે હવે મનપાની કચેરીના ૨૬૭ જેટલા સીનીયર કલાર્ક, જુનિયર કલાર્ક, હેડ કલાર્ક તથા સર્વેયર અને ડેટા એન્ટ્રી ઓપરેટરોને આરોગ્ય કેન્દ્રમાં સવારે ૭:૪૫ થી બપોરે ૧ વાગ્યા સુધી ફરજ સોંપતા હુકમો કર્યા છે : કોરોનાની સ્થિતિ પર કાબુ મેળવવા માટે હવે આ વ્યવસ્થા શરૂ કરવામાં આવી છે access_time 3:16 pm IST

  • અમદાવાદમાં વધુ એક એસિડ એટેકની ઘટના : શારદાબેન હોસ્પિટલમાં લેબ ટેક્નિશયન પર એસિડ એટેક : શહેરકોટડા વિસ્તારમાં રહેતા એક શખ્શે બ્લડ ડોનેટ કરવા બાબતે તકરાર કરી હોસ્પિટલના લેબ ટેક્નિશિયન એસિડ એટેક કર્યો : હુમલો કરનાર વ્યક્તિ પ્રકાશ સોલંકી અનેક વખત બ્લડ ડોનેટ કરવા આવતો હતો ; સમગ્ર ઘટના સીસીટીવીમાં કેદ access_time 12:44 am IST

  • તેવી વ્યવસાયિક જગ્યાઓ પર જઈને, કે જ્યાં 100 થી વધુ લોકો એકસાથે વેકસીન લેવા ઈચ્છતા હોય, તે સ્થળ પર જઈ ને વેકસીન આપવા 11 એપ્રિલ થી તૈયાર રહેવા રાજ્યો / કેન્દ્રશાસિત પ્રદેશોને કહેવામાં આવ્યાનું કેન્દ્રીય આરોગ્ય મંત્રાલયે જણાવ્યું છે access_time 4:56 pm IST