Gujarati News

Gujarati News

News of Monday, 7th October 2019

કેટરીંગના ધંધાર્થીએ માલ લીધા બાદ પેમેન્ટ નહીં કરતા લેણી રકમ વસુલવા કોર્ટમાં દાવો

રાજકોટ તા ૭  :  અત્રે જય ગજાનંદ એન્ટરપ્રાઇઝ ના પ્રોપરાઇટર, સુધીરભાઇ જેશંકરભાઇ પંડયા, ઠે. ચોકોડેન, ૧-સંકેત કોમ્પલેક્ષ, સત્ય સાઇ હોસ્પીટલ રોડ, આત્મીય કોલેજ પાછળ, રાજકોટના સામે હિતેષ કાંતિલાલ દોમડીયા કે જે હિતેષ એન્ટરપ્રાઇઝ, પ- રજપુતપરા, રાજકોટ મુકામે કામ કરે છે. તેઓએ રાજકોટ સ્મોલ કોઝ કોર્ટમાં રૂ ૧,૩૬,૮૬૭/- વ્યાજ સમેત વસુલ મળવા દાવો દાખલ કરેલ છે.

દાવાની વિગત મુજબ વાદી હિતેષભાઇ દોમડીયા, રાજકોટમાં ,પ-રજપુતપરામાં હોલ સેલ ડ્રાયફ્રુટ અને ફુડ પ્રોડકટ વેચવાનો ધંધો કરે છે. જયારે પ્રતિવાદી ઉપરોકત સરનામે તથા ખોડીયાર કો.ઓ.હા.સો. ના પ્લોટ નં.૬૧, પંકજ ઇન્ડસ્ટ્રીઝની પાછળ, ૧૫૦ ફૂટ રીંગ રોડ, રાજકોટ મુકામે કેટરીંગનો ધંધો કરે છે અને ચોકોડેનના નામે ઓળખાતા ધંધામાં પણ સંકળાયેલા છે.

પ્રતિવાદીએ તા. ૦૧/૧૧/૧૭ થી તા.૧૦/૭/૧૮ ના સમય દરમ્યાન વાદી પાસેથી  ઉધાર માલ ''કાજુ'', ''મેયોનીસ'', સ્વીટ કોન'', ''પાયનેપલ સીરપ'' વિગેરે ખરીદ કરેલ, જેના રૂ ૧,૩૬,૮૬૭/- પ્રતિવાદી પાસે બાકી લેણા નીકળે છે. જે બાબતે એકથી અનેકવાર ડીમાન્ડ કરવા છતાં અને નોેટીસ આપવા છતાં પણ પ્રતિવાદીએ પેમેન્ટ ચુકવેલ ન હોય રાજકોટ કોર્ટમાં દાવો દાખલ કરવામાં આવેલ છે.

 આ કામમાં વાદી હિતેષભાઇ દોમડીયા વતી વિકાસ કે. શેઠ, બ્રિજ શેઠ, અલ્પા શેઠ તથા વિવેક ધનેશા એડવોકેટ દરજ્જે રોકાયેલ છે.

(3:56 pm IST)
  • ડ્રગ્સ કેસમાં પૂર્વ ધારાસભ્ય ભાવસિંહ રાઠોડના પુત્ર દોષિતઃ ૧૦ વર્ષની સજા : પાટણઃ જિલ્લાના સમી હારીજના પૂર્વ ધારાસભ્ય ભાવસિંહ રાઠોડના પુત્ર કિશોરસિંહ રાઠોડની કરોડો રૂપિયાના ડ્રગ્સ કેસમાં એટીએસએ ધરપકડ કરી હતીઃ ત્યારબાદ આ પ્રકરણમાં કોર્ટે કિશોરસિંહ રાઠોડને દોષિત જાહેર કર્યા છે અને ૧૦ વર્ષની સજા ફટકારી છે access_time 4:22 pm IST

  • પાકિસ્તાની સેનાએ નિયંત્રણ રેખા પહેલા જ રોકી આઝાદી માર્ચ : પીઓકેની રાજધાની મુઝફરાબાદથી શરૂ થયેલી આઝાદી માર્ચ નિયંત્રણ રેખાની નજીક પહોંચી : પાકિસ્તાની સેનાએ છ કિલોમીટર પહેલા રોકી દીધી : માર્ચમાં સામેલ લોકો સવારે ફરી આગળ વધવા મક્કમ :પ્રદર્શનકારીઓ અને સરકાર વચ્ચે વાતચીત નિષ્ફળ : જમ્મુ કાશ્મીર લિબરેશન ફ્રન્ટે બોલાવેલી માર્ચ ત્રણ દિવસ પહેલા મુઝફરાબાદથી શરૂ થઇ હતી access_time 1:03 am IST

  • દેશની 49 હસ્તીઓ વિરુદ્ધ ફરિયાદ દાખલ કરનાર વકીલના નિશાના પર છે મુખ્યમંત્રી કેજરીવાલ અને ઇમરાનખાન : વકીલ સુધીરકુમાર ઓઝાએ વડાપ્રધાન મોદીના નામ પર ખુલ્લો પત્ર લખનાર 49 હસ્તીઓ વિરુદ્ધ એફઆઈઆર દાખલ કરવી છે : 1996થી અત્યાર સુધીમાં 745 પીઆઈએલ દાખલ કરાવનાર વકીલ સુધીર ઓઝા હવે કેજરીવાલે આરોગ્ય સબંધે કરેલ ટિપ્પણી અને યુનોમાં ઇમરાને કરેલ ભાષણ સામે મોરચો ખોલશે access_time 1:05 am IST