Gujarati News

Gujarati News

News of Monday, 7th October 2019

રાજકોટ-અમદાવાદ રોડની મરામત ગતિમાં, ૬ માર્ગીય બનાવવાનું કામ પ્રગતિમાં

રાજકોટઃ અમદાવાદ-રાજકોટ નેશનલ હાઈવેને સીકસ લેન બનાવવાની કામગીરી પ્રગતિમાં છે. જેમાં હયાત ૪૧ મેજર જંકશન / સર્કલની જગ્યાઓ ઉપર ફલાયઓવર / અન્ડરપાસ બનાવવાની તેમજ હયાત નાળા / પુલીયાને પહોળા કરવા અને રીકન્સ્ટ્રકશન કરવાની કામગીરી પ્રગતિમાં છે. કામ પ્રગતિમાં હોવાથી અમુક જગ્યાએ ટેમ્પરરી ડાયવર્ઝન બનાવવામાં આવેલ છે અને તે સ્થાને ડાયવર્ઝનના બોર્ડ લગાવી અને ડામર સપાટીવાળા ડાયવર્ઝન બનાવવામાં આવેલ છે. ચાલુ વર્ષે સખત અને સતત વરસાદ દરમ્યાન ભારે વાહનોની અવરજવરના કારણે ડાયવર્ઝનમાં ચાલુ ચોમાસામાં ખાડા થતા હોય તેને તાત્કાલીક રીપેર કરવામાં આવેલ છે અને સમયાંતરે વરસાદ બંધ થયેલ હોય ત્યારે ડામરથી પણ પેચની કામગીરી કરવામાં આવેલ છે. જૂની સપાટી ઉપર અમુક સ્થળોએ પોટહોલ્સ (ઉંડા ખાડા) અથવા પેચ પડેલ હોય ત્યાં પોટહોલ્સ પુરવાની અને ડામરથી પેચ રીપેર કરવાની કામગીરી ઝડપથી હાથ ધરવામાં આવેલ છે અને રસ્તા પર સલામતી સાથે ટ્રાફિક અવરજવર કરી શકે છે. છેલ્લા અઠવાડીયાથી વરસાદ ઓછો થતા, જ્યાં શકય હોય ત્યાં મશીનથી ડામરના લાંબા પટ્ટા મારવાની કામગીરી ચાલુ કરવામાં આવેલ છે. હાલ ચોમાસુ પૂર્ણ થવામાં હોય, રસ્તાને પહોળો કરી સીકસ લેન કરવાની કામગીરી પુરજોશમાં ચાલુ કરવામાં આવશે તેમ માર્ગ-મકાન વિભાગના સૂત્રો જણાવે છે.

(3:52 pm IST)
  • બગદાદના ગવર્નરે આપ્યું રાજીનામુ : ઇરાકમાં વિરોધ પ્રદર્શન યથાવત : ઇરાકમાં સરકાર વિરુદ્ધ વ્યાપક વિરોધ પ્રદર્શન વચ્ચે બગદાદના ગવર્નર ફલાહ અલ જજેરીએ રાજીનામુ આપ્યું : ઇરાકમાં હિંસક પ્રદર્શનમાં અત્યાર સુધીમાં 113 લોકોના મોત : 4000થી વધુ લોકો ઘાયલ access_time 1:04 am IST

  • દેશની 49 હસ્તીઓ વિરુદ્ધ ફરિયાદ દાખલ કરનાર વકીલના નિશાના પર છે મુખ્યમંત્રી કેજરીવાલ અને ઇમરાનખાન : વકીલ સુધીરકુમાર ઓઝાએ વડાપ્રધાન મોદીના નામ પર ખુલ્લો પત્ર લખનાર 49 હસ્તીઓ વિરુદ્ધ એફઆઈઆર દાખલ કરવી છે : 1996થી અત્યાર સુધીમાં 745 પીઆઈએલ દાખલ કરાવનાર વકીલ સુધીર ઓઝા હવે કેજરીવાલે આરોગ્ય સબંધે કરેલ ટિપ્પણી અને યુનોમાં ઇમરાને કરેલ ભાષણ સામે મોરચો ખોલશે access_time 1:05 am IST

  • પાકિસ્તાની સેનાએ નિયંત્રણ રેખા પહેલા જ રોકી આઝાદી માર્ચ : પીઓકેની રાજધાની મુઝફરાબાદથી શરૂ થયેલી આઝાદી માર્ચ નિયંત્રણ રેખાની નજીક પહોંચી : પાકિસ્તાની સેનાએ છ કિલોમીટર પહેલા રોકી દીધી : માર્ચમાં સામેલ લોકો સવારે ફરી આગળ વધવા મક્કમ :પ્રદર્શનકારીઓ અને સરકાર વચ્ચે વાતચીત નિષ્ફળ : જમ્મુ કાશ્મીર લિબરેશન ફ્રન્ટે બોલાવેલી માર્ચ ત્રણ દિવસ પહેલા મુઝફરાબાદથી શરૂ થઇ હતી access_time 1:03 am IST