Gujarati News

Gujarati News

News of Monday, 7th October 2019

વર્ધમાનનગરમાં અખબાર વિતરણ કરતી વખતે હાર્ટએટેક આવતા વિપુલભાઇ મહેતાનું મોત

રાજકોટ, તા.૭: પેલેસ રોડ પર વર્ધમાનનગરમાં અખબાર વિતરણ કરતી વખતે હાર્ટએટેક આવતા લોહાણા અખબાર વિતરણનું મોત નીપજયું હતું.

મળતી વિગત મુજબ રઘુવીરપરામાં લાબેલા ગાંઠીયાની દુકાનની સામે રહેતા અખબાર વીતરક વિપુલભાઇ હર્ષદભાઇ મહેતા (ઉ.વ.૪૮) વહેલી સવારે પેલેસ રોડ પર આવેલા વર્ધમાનનગર શેરી નં.૭માં આવેલા એપાર્ટમેન્ટમાં અખબારનું વીતરણ કરતા હતા ત્યારે તે અચાનક બેભાન થઇ જતા આસપાસના લોકો એકઠા થઇ ગયા હતા. અને તેને તાકીદે ૧૦૮ મારફતે સારવાર માટે સિવિલ હોસ્પિટલમાં ખસેડાયા હતા ત્યાં તેનુ સારવાર દરમ્યાન મોત નીપજયુ હતું. મૃતક વિપુલભાઇ અપરણિત હતા તે તેના વૃધ્ધ માતા સાથે રહેતા હતા તેને ડાયાબીટીસની બીમારી હોવાના લીધે ૧પ દિવસ પહેલા હોસ્પિટલમાં દાખલ પણ કરવામાં આવ્યા હતા. આ અંગે એ ડીવીઝન પોલીસે મથકના હેડ કોન્સ રાજેશભાઇ સોલંકીએ કાર્યવાહી કરી હતી.

(3:45 pm IST)
  • લખનૌ-આગ્રા એક્સપ્રેસ -વે પર ઉભેલી ટ્રક પાછળ કાર ટકરાતા ભાજપના ધારાસભ્યના ભાઈ-બહેન અને બે ભાણેજના કરૂણમોત : એક ગંભીર: ઉન્નાવ જિલ્લાના હ્સનગંજ ક્ષેત્રમાં ગમખ્વાર અકસ્માત માં ગોઉંડા જિલ્લાના મેહનોં વિધાનસભા ક્ષેત્રના ભાજપના ધારાસભ્ય વિનય દ્વિવેદીના પિતરાઈ ભાઈ બહેન અને બે ભાણેજોના કરૂણમોત access_time 1:04 am IST

  • ડ્રગ્સ કેસમાં પૂર્વ ધારાસભ્ય ભાવસિંહ રાઠોડના પુત્ર દોષિતઃ ૧૦ વર્ષની સજા : પાટણઃ જિલ્લાના સમી હારીજના પૂર્વ ધારાસભ્ય ભાવસિંહ રાઠોડના પુત્ર કિશોરસિંહ રાઠોડની કરોડો રૂપિયાના ડ્રગ્સ કેસમાં એટીએસએ ધરપકડ કરી હતીઃ ત્યારબાદ આ પ્રકરણમાં કોર્ટે કિશોરસિંહ રાઠોડને દોષિત જાહેર કર્યા છે અને ૧૦ વર્ષની સજા ફટકારી છે access_time 4:22 pm IST

  • કાલે મધ્યરાત્રીથી આકાશમાં ડેક્રોનીકસ ઉલ્કા વરસશેઃ ચાર દિવસ સુધી નજારો નિહાળી શકાશે : રાત્રે ૧ થી પરોઢીયા સુધી રોમાંચકતા માણવાનો શ્રેષ્ઠ સમય : ફટકાડાની આતશબાજી જેવી આતશબાજી જામશે : ભારત જન વિજ્ઞાન જાથા દ્વારા અમદાવાદ રાજકોટ સહીત ૧૬ શાખાઓ પર ઉલ્કા નિહાળવા ખાસ વ્યવસ્થા : રસ ધરાવતા જીજ્ઞાષુઓએ અવકાશી ખગોળીય ઘટના અચુક નિહાળવા જાથાના રાજય ચેરમેન એડવોકેટ જયંત પંડયા (મો.૯૮૨૫૨ ૧૬૬૮૯) નો અનુરોધ access_time 11:25 am IST