Gujarati News

Gujarati News

News of Monday, 7th October 2019

લીંબડીના હત્યાના ગુનાના આરોપીએ રાજકોટ જેલમાં મચ્છર અગરબત્તી ખાધી

મચ્છરોને કારણે કેદીઓને ડેંગ્યુ, મેલેરીયા...હવે મચ્છર ભગાડવાની અગરબત્તીને કારણે જેલ ચડી ચર્ચાના ચકડોળેઃ સાથી કેદી સાથે ઝઘડો થતાં આમ કર્યાનું અફરોઝબીનનું રટણ

રાજકોટ તા. ૭: અહિની સેન્ટ્રલ જેલ છેલ્લા કેટલાક દિવસોથી સતત ચર્ચાના ચકડોળે રહે છે. અગાઉ એક કેદીનું ડેંગ્યુથી મોત નિપજ્યું હતું. એ પછી ત્રણ કેદીને મેલેરીયાની અસર થઇ હતી. એ પહેલા એક કેદીએ ગળાફાંસો ખાઇ આપઘાત કરી લીધો હતો અને અન્ય એક કેદીએ ફાંસો ખાઇ આપઘાતનો પ્રયાસ કર્યો હતો. હવે મચ્છર અગરબત્તીને કારણે ચર્ચા જાગી છે. જેલમાં હત્યાના ગુનાના એક કેદીએ મચ્છર ભગાવડવાની અગરબત્તી ખાઇ લેતાં તબિયત બગડતાં સિવિલ હોસ્પિટલમાં દાખલ કરાયો છે.મુળ લીંબડીનો વતની અફરોઝબીન સૈયદબીન બિનહારી (ઉ.૩૬) હાલ રાજકોટ જેલમાં કાચા કામના કેદી તરીકે છે. તેણે અઢી વર્ષ પહેલા એક હત્યા કરી હોઇ તે અંગે ગુનો નોંધાયો હતો. તેણે રાત્રીના બેરેક નં. ૧૦ સલામતિ વિભાગમાં મચ્છર ભગાડવાની અગરબત્તી ખાઇ લેતાં ઉલ્ટીઓ થવા માંડતાં જેલમાં સારવાર અપાવાયા બાદ સિવિલ હોસ્પિટલના પ્રિઝનર વોર્ડમાં ખસેડાતાં હોસ્પિટલ ચોકીના રાજુભાઇ ગીડા અને રવિભાઇએ પ્ર.નગર પોલીસને જાણ કરી હતી. અફરોઝબીનના કહેવા મુજબ જેલમાં એક કેદી સાથે ઝઘડો થતાં પોતે અગરબત્તી ખાઇ ગયો હતો. પોલીસે નિવેદન નોંધવા તજવીજ કરી હતી.

(11:36 am IST)
  • તેલંગણા સરકારનું અભૂતપૂર્વ કડક પગલું : હડતાલ ઉપર ઉતરેલા રોડ ટ્રાન્સપોર્ટના 48 હજાર કર્મચારીઓ સસ્પેન્ડ : 12 હજાર કરોડની ખોટ અને 5 હજાર કરોડનું દેવું ધરાવતા ટ્રાન્સપોર્ટ કોર્પોરેશનના કર્મચારીઓની માંગણીઓ સ્વીકારી શકાય નહીં : મુખ્યમંત્રી ચંદ્રશેખર રાવની ઘોષણાં access_time 12:51 pm IST

  • પાકિસ્તાની સેનાએ નિયંત્રણ રેખા પહેલા જ રોકી આઝાદી માર્ચ : પીઓકેની રાજધાની મુઝફરાબાદથી શરૂ થયેલી આઝાદી માર્ચ નિયંત્રણ રેખાની નજીક પહોંચી : પાકિસ્તાની સેનાએ છ કિલોમીટર પહેલા રોકી દીધી : માર્ચમાં સામેલ લોકો સવારે ફરી આગળ વધવા મક્કમ :પ્રદર્શનકારીઓ અને સરકાર વચ્ચે વાતચીત નિષ્ફળ : જમ્મુ કાશ્મીર લિબરેશન ફ્રન્ટે બોલાવેલી માર્ચ ત્રણ દિવસ પહેલા મુઝફરાબાદથી શરૂ થઇ હતી access_time 1:03 am IST

  • ડોનાલ્ડ ટ્રમ્પની તુર્કીને ખુલી ધમકી : કહ્યું સીરિયામાં હદ બહાર ગયા તો બરબાદ કરી નાખીશ : અમેરિકી રાષ્ટ્રપતિ ડોનાલ્ડ ટ્રમ્પએ સીરિયાથી લાગેલી તુર્કીની સીમાથી અમેરિકાના સૈનિકો હટાવાના નિર્ણંયને યોગ્ય ઠેરવતા કહ્યું કે ક્ષેત્રને સ્થિતિથી ખુદે નિપટવું જોઈએ : ટ્રમ્પએ એમ પણ કહ્યું કે જો સીરિયામાં તુર્કી હદ બહાર જાય તો તેની અર્થવ્યવસ્થાને બરબાદ કરી નાખશે access_time 1:11 am IST