Gujarati News

Gujarati News

News of Saturday, 16th June 2018

અમેરિકામના કેલિફોર્નિયામાં આવેલા સાલ્‍ક ઇન્‍સ્‍ટીટયુટમાંથી ઇન્‍ડિયન અમેરિકન વૈજ્ઞાનિક ઇન્‍દર વર્માનું રાજીનામું : ઇન્‍સ્‍ટીટયુટની ૮ મહિલાઓની જાતિય સતામણી કર્યાના આરોપથી નારાજગી વ્‍યકત કરી બિનશરતી રાજીનામું ધરી દીધું

કેલિફોર્નિયા : યુ.એસ.માં લા જૂલા કેલિફોર્નિયામાં આવેલા સાલ્‍ક ઇન્‍સ્‍ટીટયુટ ફોર બાયોલોજીક સ્‍ટડીઝના ઇન્‍.ડિયન અમેરિકન વૈજ્ઞાનિક ૭૦ વર્ષીય ઇન્‍દર વર્માએ હોદ્દા ઉપરથી રાજીનામુ આપી દીધી છે. જે ૧ર જુનના રોજ બોર્ડ ઓફ ટ્રસ્‍ટીઝએ સર્વાનુમતે સ્‍વીકારી લીધું છે.

સાયન્‍ટીસ્‍ટ ઇન્‍દર વર્મા ઉપર ૧૯૭૬ થી ર૦૧૬ની સાલ દરમિયાન ૮ મહિલાઓની સેકસ માટે સતામણી કર્યાનો આરોપ છે. જેની તપાસ સ્‍વતંત્ર એજન્‍સી દ્વારા ચાલુ છે. જેનો અહેવાલ આવવાનો બાકી છે. તે દરમિયાન વર્માએ બિનશરતી રાજીનામું આપી દીધું છે.

વર્માએ તેમના ઉપરના આરોપો વખોડી કાઢયા છે. તથા તેમણે સમગ્ર કારકિર્દી દરમિયાન ઇન્‍સ્‍ટીટયુટની કોઇપણ મહિલા સાથે કયારેય અણછાજતો વ્‍યવહાર કર્યો નથી તેમ જણાવ્‍યું છે.

(11:03 pm IST)
  • નિતી આયોગની બેઠકમાં ભાગ લેવા માટે આજે ઘણાં રાજ્યોના મુખ્યમંત્રીઓ દિલ્હી પહોંચ્યા છે. આ દરમિયાન બંગાળના મુખ્યમંત્રી મમતા બેનરજી સહિત કર્ણાટકના મુખ્યમંત્રી કુમાર સ્વામી, તામિલનાડુના ચંદ્રાબાબુ નાયડુ અને કેરળના મુખ્યમંત્રી પી. વિજયને ઉપરાજ્યપાલ અનિલ બેજલને પત્ર લખીને દિલ્લીના મુખ્યમંત્રી અરવિંદ કેજરીવાલને મળવાની પરવાનગી માગી હતી, જેઓ ઘણા દિવસોથી ઉપરાજ્યપાલ નિવાસસ્થાને ધરણા પર બેઠા છે. આ બાબતે ઉપરાજ્યપાલ અનિલભાઈ બેજલે આ ચારેય મુખ્યમંત્રીઓને પરવાનગી આપી ન હતી, જેના લીધે મમતા બેનરજી સહિતના ચારેય મુખ્યમંત્રીઓ અરવિંદ કેજરીવાલના ઘરે પહોંચી, તેમના પરિવારજનોને મળ્યા હતા. આ સમયે મમતા બેનર્જીએ જણાવ્યું હતું કે આ ઘટના સંવેધાનિક સંકટ સમાન છે. આ બાબત પછી રાષ્ટ્રીય રાજકારણમાં જબરજસ્ત ગરમાવો જોવા મળી રહ્યો છે. access_time 11:04 pm IST

  • વ્યારામાંથી મટકાકીંગ ઝડપાયો :વરલી મટકાનો જુગાર રમાડતો કુખ્યાત મટકાકીંગ નિશાંત ઉર્ફે લાલુ શાહને વ્યારા પોલીસે ઝડપી લઈને જેલના સળિયા પાછળ ધકેલ્યો :પાંચ જેટલા ગુન્હામાં વોન્ટેડ નિશાંત પોલીસને ચકમો આપીને જુદી જુદી જગ્યાએ કાળૉ કારોબાર કરતો હતો access_time 1:29 am IST

  • કંપનીના જણાવ્યા પ્રમાણે વોટ્સએપએ હાલમાં તેણે પોતાના મોબાઈલ ડિવાઈસ સપોર્ટ પેજને અપડેટ કર્યું છે. જેને લઈ કંપનીએ ડિવાસનું લિસ્ટ જાહેર કર્યુ છે કે, આ સ્માર્ટફોનમાં 31 ડિસેમ્બર 2018 પછી વોટ્સઅપ બંધ થઈ જશે. આ લિસ્ટમાં નોકિયા S40, આઈફોન 3GS/iOS 6, બ્લેકબેરી ઓએસ અને બ્લેકબેરી 10, એન્ડ્રોઈડ 2.3.3.થી જૂના સ્માર્ટફોન્સ સહિતનો ફોન્સનો સમાવેશ થાય છે. access_time 1:02 am IST